ជីវិតកម្សាន្ដ

ក្រោយអវត្តមានច្រើនឆ្នាំ! វ៉ាន់ នីឡា វិលវិញជាថ្មី

បានផុស

៤ years មុន

នៅ

ថ្ងៃព្រហស្បតិ៍ ៣០ ធ្នូ ២០២១

ដោយ

ភ្នំពេញ ៖ បន្ទាប់អវត្តមានពីសិល្បៈអស់មួយសន្ទុះធំកន្លងទៅ ទីបំផុតតារាចម្រៀងស្រីកញ្ញា វ៉ាន់ នីឡា បានសម្រេចចិត្តវិលចូលអាជីពសិល្បៈផ្នែកចម្រៀងរបស់ខ្លួនឡើងវិញហើយខណៈមានអ្នកគាំទ្រជាច្រើនបង្ហាញការសាទរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថា ការសម្ងំខ្លួនឃ្លាតឆ្ងាយពីសិល្បៈយូរឆ្នាំរបស់កញ្ញា វ៉ាន់ នីឡា កាលនោះដោយសារតែបញ្ហានៃរឿងអាស្រូវស្នេហាដែលធ្វើឲ្យតារាស្រីរូបកើតក្តីអាម៉ាស់ទើបដាក់ចិត្តផ្អាកសិល្បៈមួយរយៈសិន។ ទន្ទឹមគ្នានៃការវិលត្រឡប់នេះដែរកញ្ញា វ៉ាន់ នីឡា បញ្ជាក់ថា មូលហេតុចម្បងដែលធ្វើឲ្យនាងសម្រេចចិត្តចូលសិល្បៈវិញនោះដោយសារតែសម្លឹងឃើញពីការគាំទ្ររបស់ទស្សនិកជនចំពោះរូបនាងនៅតែមានសន្ទុះច្រើនគួរសម។

ជាក់ស្តែងនៅលើគណនីហ្វេសប៊ុក វ៉ាន់ នីឡា ក៏បានបង្ហោះសារភ្ជាប់នឹងចំណងជើងបទចម្រៀងថ្មីដែលមានចំណងជើងថា «មិនចង់ខូចចិត្តដដែលៗ» ដោយនាងបានលើកឡើងថា ខ្ញុំធ្លាប់ប្រាប់ខ្លួនឯងថា ខ្ញុំចង់ចាកចេញពីកន្លែងនេះខ្ញុំចង់ចាកចេញពីកន្លែងដែលធ្លាប់មានគេស្គាល់ខ្ញុំថាជា «វ៉ាន់នីឡា»។

តារាចម្រៀងចង្កេះអង្រងកញ្ញា វ៉ាន់ នីឡា បន្តទៀតថា ហេតុអ្វីបានជាខ្ញុំមើលស្រាលសេចក្តីស្រលាញ់របស់អ្នកទាំងអស់គ្នាយ៉ាងនេះ? ហេតុអ្វីក៏ខ្ញុំមានគំនិតចង់បោះបង់អ្នកទាំងអស់គ្នាទាំងដែលអ្នកកំពុងតែរង់ចាំឲ្យខ្ញុំត្រឡប់មកវិញ? ខ្ញុំអាត្មានិយមណាស់ តែងតែគិតថាគេស្អប់ថ្ងៃនេះទើបខ្ញុំដឹងថា ការគិតយល់ច្រឡំថា គេឈប់ចូលចិត្តខ្លួនគឺវាផ្ទុយស្រឡះពីការពិត។

វ៉ាន់ នីឡា និយាយទៀតថា អរគុណបំផុតដែលមិនដែលចាប់ទោសពៃរ៍ អរគុណដែលមិនធ្លាប់ស្អប់ខ្ញុំ។ ពីនាងខ្ញុំវ៉ាន់នីឡា បទថ្មីដំបូងបំផុតសម្រាប់អ្នកគាំទ្រស្វាគមន៍ឆ្នាំ២០២២នេះ «មិនចង់ខូចចិត្តដដែ លៗ»។នាងក៏បានបន្ថែមដែរថាក្នុងរយៈពេលជា ច្រើនឆ្នាំមកនេះខ្ញុំតែងតែមានក្តីសង្ឃឹមមួយគឺផលិតនូវបទចម្រៀងជូនFanរបស់នាងខ្ញុំ។

វាមិនមែនជាអារម្មណ៍អ្នកនិពន្ធបទភ្លេងឬstory របស់អ្នកនិពន្ធទំនុកច្រៀងប៉ុន្តែគឺជាអារម្មណ៍ពិតមួយរបស់មនុស្សស្រីម្នាក់។ខ្ញុំសង្ឃឹមថាមនុស្សស្រីគ្រប់រូប ក្លាហាននៅក្នុងការចាកចេញពីភាពទុក្ខ សោកទាំងឡាយដោយខ្លួនឯងហើយស្រលាញ់ខ្លួនឯងជាខ្លួនឯង។ នេះជាសម្តីដែល វ៉ាន់ នីឡា បានលើកឡើង៕

ដោយ ៖ ចាន់រ៉ា