ជីវិតកម្សាន្ដ

ផ្អើលអ្នកស្រុកអង្គរជ័យ ថ្ងៃសម្ពោធផ្សាបន្លែត្រីសាច់ ជុំ លីណូ ចំណាយទុនជាង២០ម៉ឺនដុល្លារ

បានផុស

៤ years មុន

នៅ

ថ្ងៃអង្គារ ១ កុម្ភៈ ២០២២

ដោយ

ដូចការគ្រោងទុក ទីបំផុតតារាចម្រៀងលោក ជុំ លីណូ ដែលល្បីថាបោះទុនរាប់សែនដុល្លារបង្កើតផ្សាបន្លែត្រីសាច់និងទំនិញផ្សេងៗជាច្រើនទៀត ពេលនេះត្រូវបានបើកសម្ពោធដំណើរការជាផ្លូវការហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីសម្ពោធនេះ បានប្រព្រឹត្តធ្វើឡើងកាលពីថ្ងៃទី៣១ ខែមករា ឆ្នាំ២០២២ ពោលគឺចំឱកាសថ្ងៃចូលឆ្នាំចិនតែម្តង។ ពិធីនោះ គឺមានការអញ្ជើញការរួមដ៏ខ្ពស់ខ្ពស់ពីលោកជំទាវចិត្តធម៌ ហ៊ុន ស៊ីណាត ព្រមទាំងលោកអភិបាលស្រុកអង្គរជ័យ និងវត្តមានរបស់តារាចម្រៀង-កំប្លែងល្បីៗជាច្រើនរូបទៀតផងដែរ។

អ្វីដែលកាន់តែពិសេសទៀតនោះ នៅថ្ងៃសម្ពោធដំណើរការផ្សាខាងលើនេះដែរក៏មានការប្រគុំតន្ត្រីយ៉ាងសប្បាយរីករាយនិងអធិកអធមដោយមានការចូលរួមពីតារាចម្រៀងប្រុស-ស្រីល្បីៗដូចជា,លោកគ្រូ ណយ វ៉ាន់ណេត, លោក នៅ ស៊ីនឿន ,លោក យឿន សូត្រអនុស្សាវរីយ៍ , លោក អាន គុណកូឡា ,វីជេ ដាដា ,នាយ តាក់ ស៊ី ,នាយ ប្រុញ ,អ្នកនាង ភីម ,កញ្ញា លាង ចាន់ឡា និងតារាមួយចំនួនទៀត។

លោក ជុំ លីណូ បានបញ្ជាក់ប្រាប់ពីទំហំទឹកប្រាក់ដែលបានបោះទុនបើកដំណើរការផ្សានេះថាលោកបានចំណាយលុយក្នុងការរៀបចំផ្សាខាងលើនេះអស់ប្រមាណជាង២០ម៉ឺនដុល្លារ។ លោកបន្តថា សម្រាប់ភាគហ៊ុនបើកផ្សានេះឡើង គឺបានមកពីការចូលរួមគ្នារវាងលោក(ជុំ លីណូ) ឪពុកនិងម្តាយក្មេក ព្រមទាំងបងប្អូនគ្រួសារខាងប្រពន្ធ។

តារាចម្រៀងលោក ជុំ លីណូ បានបន្ថែមទៀតថា ចំពោះទីតាំងផ្សាបន្លែត្រីសាច់និងទំនិញផ្សេងៗនេះ គឺស្ថិតនៅភូមិខ្វាវ ឃុំចំប៉ី ស្រុកអង្គរជ័យ ខេត្តកំពត ពោលគឺនៅលើផ្លូវជាតិលេខ៣១តែម្តង៕

អត្ថបទ៖ ចាន់រ៉ា

Related Topics:លោក ជុំ លីណូ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា