Pancake តារាស្រីស្រឡាញ់ការសិក្សា ប្រឹងជម្នះភាពរវល់ រហូតអាចបញ្ចប់ថ្នាក់បណ្ឌិតដោយជោគជ័យ

ផេនខេក (Pancake Khemanit) ជាតារាស្រីរៀមច្បងលំដាប់ជួរមុខរបស់ ថៃ ដែលទទួលបានភាពល្បីល្បាញជិត ៣ទសវត្សរ៍មកហើយនៅក្នុងប្រទេស។ នាងមិនត្រឹមតែមានប្រជាប្រិយភាពក្នុងវិស័យសិល្បៈប៉ុណ្ណោះទេ ជីវិតឯកជនរបស់នាងវិញក៏ទទួលបានការស្ងើចសរសើរជាច្រើន ខណៈថ្មីៗនេះ ផេនខេក បានបញ្ចប់ការសិក្សាបណ្ឌិតដោយជោគជ័យថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ០១ ខែមេសា ឆ្នាំ ២០២២ កន្លងទៅ សាធារណជនថៃ និងអន្តរជាតិមួយចំនួន បានចូលរួមសម្តែងការសាទរជាខ្លាំងទៅលើតារាស្រី ផេនខេក បន្ទាប់ពីនាងលះបង់ពេលវេលា ប្រឹងជម្នះភាពមមាញឹក និងការងារលំបាកអស់ពេល ៧ឆ្នាំ រហូតបញ្ចប់ថ្នាក់បណ្ឌិត ជាមួយគូស្នេហ៍ដែលជាឧត្តមសេនីយ៍។

ម្សិលមិញនេះ ផេនខេក បានទទួលសញ្ញាប័ត្របណ្ឌិតផ្នែកវិទ្យាសាស្ត្រនយោបាយ និងរដ្ឋបាលសាធារណៈ នៅឯសាកលវិទ្យាល័យ Ramkhamhaeng University ដែលជាសាកលវិទ្យាល័យល្បីឈ្មោះមួយប្រចាំប្រទេសថៃ ជាមួយមិត្តប្រុសលោកឧត្តមសេនីយ៍ Mee Saksunthorn ធ្វើឱ្យមហាជនសរសើរគូស្នេហ៍នេះព្រោងព្រាត និងនាំគ្នាជូនពរពេញបណ្ដាញសង្គមតែម្ដង៕

ប្រែសម្រួល៖ សន្យា

ចុចអាន៖ មិនត្រឹមតែស្រស់ស្អាត តារា​ ថៃ ៦ រូបនេះ ក៏ជាម្ចាស់ហាងកាហ្វេ និងភោជនីយដ្ឋានល្បីៗ នៅ បាងកក