ជីវិតកម្សាន្ដ

វណ្ណដា បញ្ចូលសាច់ភ្លេងឧបករណ៍តន្ត្រីខ្មែរ ក្នុងបទ “RUN THE TOWN” អ្នកស្ដាប់អាចមិនចាប់អារម្មណ៍ត្រង់ចំណុចនេះ

បានផុស

៤ years មុន

នៅ

ថ្ងៃចន្ទ ២៥ មេសា ២០២២

ដោយ

បទ “RUN THE TOWN” ត្រូវបានគេដឹងថា មានការចូលរួមសហការពីតារាខ្មែរ-ថៃ និងបានចេញផ្សាយនៅថ្ងៃទី ២២ ខែមេសា ហើយផលិតឡើងដោយផលិតកម្មថៃ High Cloud Entertainment និងផលិតកម្មកម្ពុជា គឺ Baramey Productions។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះក្រោយ “RUN THE TOWN” ចេញមិនបានប៉ុន្មានផង សន្ទុះនៃការគាំទ្រហាក់ច្រើនលើសលប់លើសពីការំពឹងទុក។ ជាពិសេសអ្វីដែលប្រជាជនកម្ពុជា យើងចង់ដឹងជាងគេថាតើវណ្ណដានឹងយកអ្វីទៅបង្ហាញដល់ជនជាតិថៃ នៃបទចម្រៀងមួយបទនេះ។ យ៉ាងណាមិញវណ្ណដាពិតជាមិនបានធ្វើឲ្យទស្សនិកជនក្នុងស្រុករបស់យើង ខកបំណងឡើយ ដោយតារារ៉េបរូបនេះ បានពាំនាំនូវឧបករណ៍ភ្លេងខ្មែរដែលគេហៅស្នែង អមជាមួយបទចម្រៀង ត្រង់ឈុតដែលគេចេញមកពីក្នុងរថយន្ត limousine យ៉ាងសង្ហា។

យើងខ្ញុំជឿថា មានទស្សនិកជនមួយចំនួន អាចនឹងពុំបានចាប់ភ្លឹក ព្រោះរវល់តែគយគន់វីដេអូនិង lyrics ដ៏មានអត្ថន័យដែលវណ្ណដាច្រៀងប៉ុណ្ណោះ។ ប៉ុន្តែនៅពេលដែលទស្សនិកជនស្ដាប់ត្រង់ចំណុចនោះរួច ប្រាកដជានឹកស្មានមិនដល់ថាវណ្ណដាពិតជាតារាវ័យក្មេង ដែលឆ្លាតវៃ បើទោះបីជាដើរដល់សម័យជឿនលឿនយ៉ាងណា តែក៏មិនភ្លេចពាំនាំវប្បធម៌ដែលមនុស្សគ្រប់គ្នារៀបនឹងភ្លេចទៅហើយ។