ជីវិតកម្សាន្ដ

ទើបដឹងរថយន្តដែលជួបគ្រោះថ្នាក់ មិនមែនជារបស់ សុវត្ថិឌី ធារីកា ទេ

បានផុស

៤ years មុន

នៅ

ថ្ងៃអង្គារ ២៤ ឧសភា ២០២២

ដោយ

គេចាំបានថាកាលពីថ្ងៃទី ១៧ ខែឧសភា ឆ្នាំ ២០២២ តារាចម្រៀង សុវត្ថិឌី ធារីកា មានទុក្ខជាទម្ងន់ដោយសារតែលោកឪពុកនឹងអ្នកម្ដាយជាទីស្រលាញ់ត្រូវបាត់បង់ជីវិតព្រមគ្នាក្នុងហេតុការណ៍ក្រ ឡាប់រថយន្តនៅស្រុកឆែបខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាកចេញទៅរបស់អ្នកមានគុណ ក្នុងពេលតែមួយដោយមួយប៉ប្រិចភ្នែកបែបនេះ គឺជារឿងពិបាកនឹងទទួលយកខ្លាំងណាស់សម្រាប់ សុវត្ថិឌី ធារីកា រហូតនាងយំឡើងវង្វេងវង្វាន់ម្ដងៗទៅហើយព្រោះ តែស្ដាយស្រណោះអាឡោះអាល័យចំពោះការបាត់បង់អ្នកមានគុណម្ដងទាំង ២ នោះ។

ការបាត់បង់អ្នកមានគុណជារឿងដ៏រន្ធត់តក់ស្លុតគួរឲ្យអាណិតកម្សត់នេះដែរ ស្រាប់តែអ្នកនាង ចន ច័ន្ទ លក្ខិណា ដែលជាអ្នកខ្នះខ្នែងជួយរៀបចំបុណ្យសពជូនឪពុកម្ដាយរបស់ ធារីកា បានបញ្ជាក់ថា ចាប់ពីពេលនេះទៅរាល់បន្ទុកត្រូវធ្លាក់លើ ធារីកា (បង់រំលស់ផ្ទះ បង់សាលាប្អូនការចំណាយប្រចាំថ្ងៃ។ ជាមួយគ្នានេះអ្នកនាង ចន ច័ន្ទលក្ខិណា បានទម្លាយរឿងដ៏គួរឲ្យអាណិតទៀតថា ឡានដែលជួបហេតុការណ៍មិនមែនជាឡានរបស់ កញ្ញា សុវត្ថិឌី ធារីកា ទេ ព្រោះក្នុ ងអំឡុងពេលកូវីដនោះ ធារីកា បានលក់ឡានខ្លួនឯង ដើម្បីយកមកដោះស្រាយជីវភាពប្រចាំថ្ងៃ ។

អ្នកនាងបន្តថា ឡានដែលជួបគ្រោះថ្នាក់ចរាចរណ៍នោះ គឺជាឡានរបស់មិត្តភក្ដិសម្លាញ់ឪពុក សុវត្ថិឌី ធារីកា បានន័យថា ជាឡានខ្ចីគេ ព្រោះកន្លងមកពេលទៅធ្វើការ ធារីកា ជិះ PassAppតែទៅខេត្តឪពុក ធារីកា ខ្ចីឡានពួកម៉ាកដើម្បីជូនកូនទៅច្រៀងតាមបណ្ដាខេត្ត។ ដូច្នេះអ្វីដែល ធារីកា ត្រូវរ៉ាប់រង គឺឡានដែលខ្ចីគេហើយជួបគ្រោះថ្នាក់ត្រូវជួសជុលថ្មីធ្វើសងគេវិញ ឬតាមលក្ខខណ្ឌណាមួយតែម្តង៕