Connect with us

ជីវិតកម្សាន្ដ

Netflix កំពុងជ្រើសរើសបេក្ខជនចូលលេងកម្មវិធី Squid Game ពិតៗ ជាមួយប្រាក់រង្វាន់ ៤.៥៦លានដុល្លារ

បានផុស

នៅ

ក្រុមហ៊ុន Netflix កំពុងជ្រើសរើសអ្នកចូលរួមលេងក្នុងកម្មវិធីទូរទស្សន៍ពិតៗ ដែលយកលំនាំតាមរឿងភាគដ៏ពេញនិយមបំផុតរបស់ខ្លួនគឺ Squid Game។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ កម្មវិធីនេះ នឹងមិនមែនជាហ្គេមដាក់ជីវិត ឬសម្លាប់មនុស្ស ដូចដែលបង្ហាញនៅក្នុងរឿងភាគកូរ៉េខាងត្បួងនោះទេ។ ផ្ទុយទៅវិញ អ្នកចូលរួមចំនួន ៤៥៦ នាក់មកពីជុំវិញពិភពលោក នឹងលេងហ្គេមដើម្បីដណ្តើមប្រាក់រង្វាន់ ៤.៥៦លានដុល្លារអាមេរិក។

ស្របពេលជាមួយគ្នានោះ ក្រុមហ៊ុន Netflix ក៏បានបញ្ជាក់ផងដែរថា រឿងភាគដ៏ពេញនិយមនេះ នឹងថតបន្តរដូវកាលទីពីរ។

កាលពីថ្ងៃពុធ ក្រុមហ៊ុនបានប្រកាសថា វគ្គថ្មីចំនួន១០ របស់កម្មវិធី Squid Game: The Challenge នឹងផ្តល់ជូននូវរង្វាន់ជាសាច់ប្រាក់ធំបំផុត ក្នុងប្រវត្តិសាស្ត្រកម្មវិធីទូរទស្សន៍។

ចំពោះលក្ខខណ្ឌចូលរួមវិញ បេក្ខជនត្រូវតែមានអាយុយ៉ាងតិច២១ឆ្នាំ, ត្រូវតែចេះនិយាយភាសាអង់គ្លេស ហើយក្នុងរយៈពេល៤សប្តាហ៍នៅដើមឆ្នាំ២០២៣ បេក្ខជនទាំងអស់ត្រូវតែធានាថា ពួកគេមិនមានជាប់ការងារឬភារកិច្ចអ្វីទាំងអស់ ដើម្បីថតកម្មវិធី។

យ៉ាងណាមិញ ភ្លាមៗនេះ ក្រុមហ៊ុនមិនទាន់បញ្ជាក់អំពីទីតាំងនៃការថតនៅឡើយទេ៕

ប្រែសម្រួល៖ សន្យា

ប្រភព៖ BBC

ចុចអាន៖ ក្រុមហ៊ុន Netflix ប្រកាសចេញរឿង “Squid Game” វគ្គ ២

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម