Connect with us

ជីវិតកម្សាន្ដ

បវរកញ្ញាកម្ពុជាក្រោម លំដាប់រងទី២ នឹងចូលរួមប្រកួត Miss Earth លើឆាកអន្តរជាតិ ជំនួសម្ចាស់មកុដ

បានផុស

នៅ

ត្បិតក្លាយជាអ្នកគ្រងមកុដបវរកញ្ញា Miss Earth Vietnam ឆ្នាំ២០២២ ប៉ុន្តែបវរកញ្ញា Nong Thuy Hang មិនមែនជាបេក្ខនារីតំណាងប្រទេសវៀតណាមចូលរួមប្រកួតក្នុងកម្មវិធី Miss Earth 2022 នោះទេ ហើយបវរកញ្ញា Thach Thu Thao ដែលជាលំដាប់រងទី២ នឹងជំនួសតួនាទីរបស់ម្ចាស់ជយលាភីឯក ដើម្បីឡើងសង្វៀនអន្តរជាតិ នាពេលឆាប់ៗខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាទូទៅ​នៅក្នុង​កម្មវិធី​ប្រកួត​សម្រស់ អ្នកដែល​ទទួលបាន​តំណែង​ខ្ពស់​ជាងគេ​នឹងត្រូវ​តំណាង​ប្រទេស​ដើម្បីបង្ហាញ​​វត្តមាន​នៅលើ​ឆាក​អន្តរជាតិ​។ ផ្ទុយទៅវិញ ស្ថាប័ន Miss Earth វៀតណាម ថ្មីៗនេះ ស្រាប់តែបង្កការភ្ញាក់ផ្អើលយ៉ាងខ្លាំងចំពោះមហាជន ខណៈស្ថាប័នបានប្រកាសផ្តល់សិទ្ធិឲ្យទៅជយលាភីលេខ៣ ដើម្បីចូលរួមប្រកួតជំនួសបវរកញ្ញាឯក។

កាលពីរសៀលថ្ងៃទី១៨ ខែកក្កដា ប្រធានគណៈកម្មាធិការរៀបចំកម្មវិធី Miss Ethnic Group វៀតណាម លោក Truong Ngoc Anh បានធ្វើឲ្យមហាជនភ្ញាក់ផ្អើលមិនស្ទើរឡើយ ក្រោយពេលលោកប្រកាសថា បេក្ខនារីដែលនឹងបង្ហាញខ្លួននៅលើឆាកអន្តរជាតិក្នុងឆ្នាំនេះ គឺបវរកញ្ញា Thach Thu Thao ដែលជាបវរកញ្ញាលំដាប់រងទី២ មានដើមកំណើតមកពីកម្ពុជាក្រោម។ ការផ្លាស់ប្ដូរនេះ បានក្លាយជាទៅជារឿងមួយមិនធ្លាប់មានក្នុងប្រវត្តិសាស្ត្រនៃសម្រស់វៀតណាមនោះទេ។

យ៉ាងណាមិញ ​មក​ដល់​ពេល​នេះស្ថាប័នបវរកញ្ញាវៀតណាម មិនបញ្ជាក់ពីមូលហេតុនៃកាដកបេក្ខភាពម្ចាស់មកុដនោះទេ ខណៈពាក្យចចាមអារ៉ាមជាច្រើននិយាយថា ម្ចាស់តំណែង Miss Earth Vietnam 2022 នាង Nong Thuy Hang មិនមែនជានារីនៅលីវឡើយ។ នាងជាភរិយាលួចលាក់របស់អ្នកមានទ្រព្យស្តុកម្នាក់ ហើយទន្ទឹមនឹងនោះ គេបានរកឃើញថា តំណែងរបស់នាងបានមកដោយសារសំណូក។ ទោះយ៉ាងណា ទាំងនេះគ្រាន់តែជាពាក្យចចាមអារ៉ាមប៉ុណ្ណោះ ព្រោះខាងស្ថាប័នបវរកញ្ញាវៀតណាម មិនទាន់ប្រកាសព័ត៌មានផ្លូវការនៅឡើយ ចំណែកសាមីខ្លួនបានច្រានចោលពាក្យចចាមអារ៉ាមទាំងអស់៕

ម្ចាស់មកុដ Miss Earth Vietnam 2022

ប្រែសម្រួល៖ សន្យា

ប្រភព៖ Bestie

ចុចអាន៖ អបអរសាទរ បវរកញ្ញាកម្ពុជាក្រោម ជាប់លំដាប់រងទី២ កម្មវិធី Miss Earth នៅប្រទេសវៀតណាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ២៩ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៤៥ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

Sokha Hotels

ព័ត៌មានពេញនិយម