ជីវិតកម្សាន្ដ

ខ្ញុង ប្រកាសជំហរមិនរត់ចោលបំណុល ឬគិតខ្លី បើទោះធ្លាក់ខ្លួនដល់កម្រិតណា

បានផុស

២ years មុន

នៅ

ថ្ងៃព្រហស្បតិ៍ ២៨ កក្កដា ២០២២

ដោយ

តារាកំប្លែងអ្នកនាង ស្រេង សុកាន់ដា ហៅខ្ញុង ដែលបច្ចុប្បន្នត្រូវបានគេដឹងថា នាងកំពុងរួមរឹតដោយការជំពាក់បំណុលគេជុំខ្លួននោះ បានប្រកាសរក្សាជំហរជាថ្មី ពោលគឺនាងថា ខ្លួនមិនរត់ចោលបំណុល ឬគិតខ្លីសម្លាប់ខ្លួនទេ បើទោះបីត្រូវមានទោស និងរកបានព្រឹកខ្វះល្ងាចក្តី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតបើតាមការកត់សម្គាល់គិតរហូតមកទល់ពេលនេះ អ្នកនាង ខ្ញុង នៅមិនទាន់ស្រលះខ្លួនរួចផុតពីការដើរសងបំណុលគេនៅឡើយ ខណៈសព្វថ្ងៃអ្នកនាង និងស្វាមី គឺនាយ កៃដរ បាននិងកំពុងខិតខំតស៊ូក្នុងការលក់ ត្រីងៀត ត្រីឆ្អើរ ផ្អក ស្ករពាងស្ករត្នោត ដើម្បីដោះដូរបានប្រាក់មកសងបំណុលគេតាមដំណាក់កាល។

ដោយឡែកស្រាប់តែនៅថ្ងៃទី ២៧ ខែកក្កដា ឆ្នាំ ២០២២ តារាកំប្លែងសម្បូរវេហាសព្ទអ្នកនាង ខ្ញុង បានបង្ហាញការរក្សាជំហររបស់ខ្លួន ក្នុងការសងបំណុលគេព្រមទាំងនិយាយពីអារម្មណ៍ទៅកាន់កូនៗដោយការសុំទោសផងដែរអំឡុងពេលកំពុងជួបការលំបាក និងខ្វះខាតជីវភាពគ្រួសារនេះ។

អ្នកនាង ខ្ញុង បានរៀបរាប់ថា«បើមានទោសព្រោះតែមិនទាន់មានលុយសងគេក៏ម៉ែមិនតូចចិត្ត ព្រោះម៉ែប្រឹងអស់លទ្ធភាពហើយ ម៉ែក៏មិនគិតខ្លី មិនរត់ ចោលបំណុល តែដែលម៉ែបារម្ភគឺពួកកូនៗ បើម៉ែមិននៅតើកូនៗម៉ែនឹងទៅយ៉ាងណាបើរាល់ថ្ងៃម៉ែខំទាំងហាលក្តៅហាលភ្លៀងផងនៅតែបានព្រឹកខ្វះល្ងាច កូនអើយកូនម៉ែសុំទោស»។

គួររម្លឹកដែរថា អ្នកនាងខ្ញុងកាលពីកន្លងទៅបានផ្ទុះរឿងរ៉ាវអាស្រូវផ្អើលអស់អ្នកគាំទ្រពេញមួយប្រ ទេស បន្ទាប់ពីនាងទម្លាយចំនួនទឹកប្រាក់ដែលជំពាក់បំណុលគេជាងកន្លះលានដុល្លារ ក្រោមហេតុផលរកស៊ីខាត។ ទោះបីយ៉ាងណាសម្រាប់ ខ្ញុង និងស្វាមីនាយ កៃដរ នៅតែបន្តការតស៊ូជាមួយគ្នាតាមរយៈ ការឡាយលក់ ផ្អក ប្រហុក ត្រីងៀត ដើម្បីយកលុយដោះបំណុលគេ និងធ្វើជាដើមទុកសាងជីវិតជាថ្មីឡើងវិញផងដែរ៕

អត្ថបទ៖ ចាន់រ៉ា