តារាកូរ៉េ ៥រូប អ្នកគាំទ្រដាក់រហ័ស្សនាមប្លែកៗ គួរឱ្យចាប់អារម្មណ៍ណាស់

មិនមែនតារាគ្រប់រួបសុទ្ធតែមានងារហៅក្រៅ ឬរហ័ស្សនាមនោះទេ លើកលែងតែពួកគេជាមនុស្សពិសេស ឬមានចំណុចលេចធ្លោណាមួយគួរឱ្យទាក់ទាញ ទើបអ្នកគាំទ្រដាក់រហ័ស្សនាមឱ្យ។ ជាក់ស្ដែងតារា K-pop ចំនួន ៥រូបខាងក្រោម ត្រូវបានអ្នកនិយមលេងអ៊ីនធឺណិតកូរ៉េ ដាក់ងារហៅក្រៅប្លែកៗគួរឱ្យចាប់អារម្មណ៍ ដោយសារបុគ្គលិកលក្ខណៈរបស់ពួកគេមានភាពលេចធ្លោខុសពីតារាដទៃ។

Karina សមាជិកក្រុម aespa ​រហ័ស្សនាម “CG”

ចាប់តាំងពីការបង្ហាញខ្លួនដំបូង Karina បានក្លាយជាប្រធានបទនៃការពិភាក្សាជាបន្តបន្ទាប់ដោយសារតែរូបរាងដ៏ទាក់ទាញរបស់នាង។ CG គឺជាបច្ចេកវិទ្យាក្រាហ្វិកឌីជីថល ដែលហ្វេនៗប្រើជាមួយ Karina រហូតមក ព្រោះតែពេលឡើង​ឆាក​ម្ដងៗ ​ទស្សនិកជនយល់ថានាងពិតជាមានមន្ត​ស្នេហ៍​ខ្លាំង ហើយនាងមានរូបរាងស្រស់ស្អាតដូចគំនូរក្រាហ្វិក។

Jisoo សមាជិក BLACKPINK រហ័ស្សនាម “បវរកញ្ញាកូរ៉េ”

នរណាៗក៏ទទួលស្គាល់ដែរថា Jisoo ល្បី​ខាង​សម្រស់ ​ស្រស់ស្អាតប្រៀបដូច​ទេពធីតា។ ទម្រង់មុខរាងពងក្រពើ ច្រមុះសមបបូរមាត់រាងបេះដូង បានធ្វើឱ្យបងស្រីច្បង BLACKPINK ស្រស់ស្អាតដូចព្រះនាងក្នុងព្រេងនិទាន។ ដូច្នេះហើយ បានជាអ្នកគាំទ្រជាច្រើនហៅនាងថា បវរកញ្ញាកូរ៉េ។

BoA រហ័ស្សនាម “ម្ចាស់ក្សត្រី K-pop”

K-pop Queen ជារហ័ស្សនាម ដែលហ្វេនៗបានដាក់ឱ្យ BoA ។ នាង​ជាតារាចម្រៀងដែលមាន​បទពិសោធន៍​ជាង​ ២០​ឆ្នាំក្នុងវិស័យតន្ត្រី ហើយ​ទទួល​បាន​សមិទ្ធផល​ធំៗ​ជា​ច្រើន​តាំងពី​​នៅ​ក្មេងមកម្ល៉េះ។ មិនតែប៉ុណ្ណោះ BoA ធ្លាប់ជួយស្រោចស្រង់ផលិតកម្ម SM ពីការក្ស័យធនទៀតផង។

Jungkook សមាជិក BTS រហ័ស្សនាម “កូនពៅ” (Golden Maknae)

Jungkook ត្រូវ​បាន​អ្នក​និយម​លេង​អ៊ីនធឺណិត​កូរ៉េ​ហៅ​ថា​ Maknae ព្រោះតែលោកជាតារាស្រករក្រោយដែលមានភាពលេចធ្លោខ្លាំងទាំងផ្នែកនិពន្ធទំនុកច្រៀង និងក្បាច់រាំ។ តារាប្រុសរូប​នេះ​បាន​បង្ហាញ​ខ្លួនក្នុងវិស័យសិល្បៈ​ដំបូង​នៅក្នុង​អាយុ ១៥ឆ្នាំ ហើយមកទល់ពេលនេះលោកទទួលជោគជ័យយ៉ាងខ្លាំងក្នុងពិភពតន្ត្រី។

Rain រហ័ស្សនាម “ចោរស្រុក”

គ្រប់គ្នាប្រហែលភ្ញាក់ផ្អើលនូវរហ័ស្សនាមរបស់កំពូលតារាប្រុស Bi Rain។ តាមពិតរហ័ស្សនាមនេះ ស្ដាប់ទៅហាក់មិនពិរោះទាល់តែសោះ ប៉ុន្តែការហៅបែបនេះ ក៏ព្រោះ Rain ជាតារាប្រុសដែលដណ្ដើមបានបេះដូងអ្នកគាំទ្រ សឹងទូទាំងប្រទេសកូរ៉េហ្នឹងឯង។

ចំណែកប្រិយមិត្តវិញ តើធ្លាប់ស្គាល់រហ័ស្សនាមតារាកូរ៉េផ្សេងទៀតឬទេ? សូមចែករំលែកជាមួយ ​កម្ពុជាថ្មី ផ្លឹស!

ប្រែសម្រួល៖ សន្យា

ចុចអាន៖ ក្រុម BTS ទទួលបានឱកាសពិសេស ពេលកំពុងបំពេញកាតព្វកិច្ចយោធា

ចុចអាន៖ មិនធ្លាប់ដឹងសោះ ក្រៅពីច្រៀង តារាកូរ៉េ ៥រូបនេះ ជា CEO ក្រុមហ៊ុនកម្សាន្តផ្ទាល់ខ្លួនទៀត