ជីវិតកម្សាន្ដ

នេនទុំ ចេញមុខសុំទោសជាលើកទី ២ ហើយបញ្ជាក់ថា នឹងសាក់រូបផ្សេងនៅលើរូបព្រះព្រហ្ម

បានផុស

៤ years មុន

នៅ

ថ្ងៃអង្គារ ៩ សីហា ២០២២

ដោយ

ជាថ្មីម្តងទៀងតារាចម្រៀងរ៉េប នេនទុំ បានចេញមុខសុំទោសមហាជន និងអ្នកគាំទ្រចំពោះកំហុសឆ្គងដែលលោកបានសាក់រូបព្រះព្រហ្មនៅលើកំភួនជើង។ ម្យ៉ាងទៀត នេនទុំ ក៏បានបញ្ជាក់ថា លោកនឹងសាក់រូបផ្សេងនៅពីលើសាក់ព្រះព្រហ្មបន្ទាប់ពីជាសះស្បើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង នេនទុំ បានចេញវីដេអូសុំទោសជាលើកទី ២ នេះ ក្រោយពេលដែលការចេញមុខសុំទោសលើកទី ១ ហាក់មិនទទួលបានផលដោយសារតែសំឡេងនៃការរិះគន់របស់មហាជន គឺមិនមានភាពស្ងប់ស្ងាត់ ខណៈក្នុងនោះក៏មានការជេរបញ្ជោរដល់រូបលោក និងអ្នកដែលចេញមកការពារលោកផងដែរ។

តាមរយៈវីដេអូថ្មីនេះ នេនទុំ បាននិយាយថា វីដេអូនេះសង្ឃឹមបងប្អូនឈប់ជេរគ្នាហើយ ខ្ញុំនឹងលុបដូរសាក់ជើង។ លោកបន្តថា ដោយសារតែស្នាមសាក់នេះ គឺធ្វើឲ្យមហាជនមិនសប្បាយចិត្តជាច្រើននាក់ ទោះបីលោកធ្លាប់ចេញមុខសុំទោសម្តងរួចហើយក្តី។ ដូច្នេះលោកសម្រេចថា នឹងសាក់រូបផ្សេងនៅលើរូបព្រះព្រហ្មហើយលោកនឹងថតបង្ហាញដល់មហាជន ដើម្បីអស់ចិត្ត។

គេនៅចាំបានថា កាលពីថ្ងៃទី ០៣ ខែសីហា ឆ្នាំ ២០២២ កន្លងទៅមហាជន និងអ្នកប្រើប្រាស់បណ្ដាញសង្គមហ្វេសប៊ុកជាច្រើនបានផ្ទុះការរិះគន់ ដោយបង្ហាញការមិនចេញចិត្តចំពោះទង្វើរបស់តារាចម្រៀង នេនទុំ ដែលបានយករូបព្រះកេសរបស់ព្រះព្រហ្មទៅសាក់លើកំភួនជើងហាក់មិនឱ្យតម្លៃវប្បធម៌ដ៏ល្អផូរផង់របស់ខ្មែរ។ ប៉ុន្តែក្រោយពីមានការរិះគន់ពេលនេះ នេនទុំ ក៏បានចេញមុខសុំទោសជាសាធារណៈម្តងរួចមកហើយដែរ៕

អត្ថបទ៖ ចាន់រ៉ា

Related Topics:តារាចម្រៀង តារាចម្រៀងរ៉េប នេន ទុំ

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា