លោកគ្រូ ហួរ ឡាវី ប្រកាសប្តេជ្ញាបម្រើសិល្ប:ជារៀងរហូត

ទោះបីជាអំឡុងមួយរយ:ចុងក្រោយនេះតារាចម្រៀងជើងចាស់ល្បីឈ្មោះ គឺលោកគ្រូ ហួរ ឡាវី ហាក់មិនសូវមានទីផ្សាចម្រៀងដោយសារការវិវឌ្ឍន៍តាមវ័យក៏ពិតមែន តែសម្រាប់ការគាំទ្ រនិងប្រជាប្រិយភាពនៅតែរក្សាបានមិនមានការចុះថមថតទេ ។

ជាក់ស្តែងថ្មីៗនេះតារាចម្រៀងជើងចាស់សម្លេងស្អកលោកគ្រូ ហួរ ឡាវី បានប្រកាសប្តេជ្ញាចិត្ត និងអះអាងថា លោកនៅតែបន្តអាជីពជាតារាចម្រៀងតទៅមុខទៀត ពោលគឺលុះត្រាតែថ្ងៃខាងមុខច្រៀងលែងកើត ទើបលោកគ្រូឈប់ច្រៀង។សព្វថ្ងៃនេះលោកគ្រូ ហួរ ឡាវី នៅតែបន្តអាជីពច្រៀងនៅភោជនីដ្ឋានមួយកន្លែងនាម្តុំចោមចៅ។

តារាចម្រៀងវ័យ៧៧ឆ្នាំ លោកគ្រូ ហួរ ឡាវី បានបញ្ជាក់ថា “ទោះបីខ្ញុំចាស់ ខ្ញុំនៅតែបម្រើការងារសិល្បៈជារៀងរហូតដោយ​ក្ដីស្រលាញ់ចេញពីរបេះដូង”។ តាមរយ:ការប្រកាសនេះ បានធ្វើឲ្យទស្សនិកជនសម្តែងការអបអរ និងគាំទ្រលើកកម្លាំងចិត្តដល់លោកគ្រូ ហួរ ឡាវី គ្រប់គ្នា។

លោកគ្រូ ហួរ ឡាវី បច្ចុប្បន្នត្រូវបានគេដឹងថា លោកកំពុងប្រើជីវិតរស់នៅយ៉ាងសាមញ្ញក្នុងផ្ទះមួយក្នុងរាជធានីភ្នំពេញ តែរឿងដែលធ្វើឲ្យអ្នកគាំទ្រអាណិតនោះ គឺលោកគ្រូហាក់កណ្ដោចកណ្ដែងចិត្តដោយមិនទាន់អស់អាល័យបន្ទាប់ពីភរិយារបស់លោកបានទទួលមរណភាពទៅទាំងអាល័យដោយសារជំងឺកូវីដ-១៩៕

អត្ថបទ៖ ចាន់រ៉ា