ជីវិតកម្សាន្ដ

ឈិន ឡុង រងការរិះគន់ចាស់ដៃ រឿងទុកកូនស្រីរស់នៅក្នុងជីវភាពលំបាក

បានផុស

២ years មុន

នៅ

ថ្ងៃព្រហស្បតិ៍ ១៣ តុលា ២០២២

ដោយ

តារាសម្តែងក្បាច់គុន ឈិន ឡុង ឬ Jackie Chan រងការរិះគន់យ៉ាងចាស់ដៃថា មិនមានទំនួលខុសត្រូវលើកូនស្រី Etta Ng Chok Lam ក្រោយផ្ទុះព័ត៌មាននាងតម្រង់ជួរសុំអាហារតាមចិញ្ចើមផ្លូវ នៅ ប្រទេសកាណាដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងរូបនេះកំពុងតែរងនូវភាពចម្រូងចម្រាសលើបណ្ដាញសង្គម បន្ទាប់ពីសារព័ត៌មានបានរាយការណ៍ពីជីវិតដ៏លំបាករបស់កូនស្រីលោក ហើយនៅលើបណ្ដាញសង្គមវិញ ប្រជាជនជាច្រើនបានរិះគន់ថា Jackie Chan គឺជាឪពុកដែលគ្មានទំនួលខុសត្រូវ និងប្រើអាកប្បកិរិយាព្រងើយកន្តើយ មិនព្រមទទួលស្គាល់កូនស្រីរបស់គាត់ ពីព្រោះនាងគឺអ្នកស្រឡាញ់ភេទដូចគ្នា ។

លើសពីនេះទៅទៀត អ្នកនិយមលេងអ៊ីនធឺណិតមួយចំនួនក៏បានប្រៀបធៀបជីវិតរស់នៅកូនប្រុស និងកូនស្រីរបស់តារាសម្តែងរូបនេះផងដែរ ដែលនៅក្នុងនោះកូនប្រុសរបស់ ឈិន ឡុង រស់នៅក្នុងជីវិតយ៉ាងប្រណីត ជាមួយទ្រព្យសម្បត្តិស្ដុកស្ដម្ភ ខណៈដែលកូនស្រីវិញរស់នៅក្នុងជីវភាពខ្វះខាតយ៉ាងខ្លាំង។

យ៉ាងណាមិញនេះមិនមែនជាលើកទីមួយទេដែលគេឃើញកូនស្រីតារាសម្ដែងរូបនេះ ដើរសុំអាហារគេតាមចិញ្ចើមផ្លូវ និងមានជីវិតរស់នៅតាមរបងផ្ទះគេបែបនេះ ដោយកាលពីពេលថ្មីៗនេះគេហទំព័រព័ត៌មានចិនជាច្រើនបានចុះផ្សព្វផ្សាយថា នាង Etta Ng Chok Lam រស់នៅក្នុងជីវភាពលំបាកអស់រយៈជាច្រើនឆ្នាំមកហើយ៕

ប្រែសម្រួល៖នាងតូច

ចុចអាន៖កូនស្រី ឈិនឡុង តម្រង់ជួរសុំអាហារតាមចិញ្ចើមផ្លូវ ជាមួយជនអនាថា