ពេជ្រ សោភា ស្នើដល់អ្នកគាំទ្រស្រាក់ដៃគ្នាបោះឆ្នោតឲ្យ Miss Grand Cambodia

ខណ:ដែលបវរកញ្ញាតំណាងកម្ពុជា កញ្ញា ពេជ្រ វត្តីសារ៉ាវឌ្ឍី កំពុងបង្ហាញវត្តមានក្នុងកម្មវិធីប្រកួត Miss Grand International លើឆាកអន្តរជាតិនាប្រទេសឥណ្ឌូនេស៊ីនោះ គេសង្កេតឃើញទស្សនិកជន និងអ្នកគាំទ្រជាច្រើនបានសម្តែងការលើកទឹកចិត្តគ្រប់ហើយស្នើរដល់កូនខ្មែររួមដៃគ្នាបោះឆ្នោតឲ្យMGC។

ជាមួយគ្នានេះដែរសម្រាប់កំពូលតារាចម្រៀងអ្នកនាង ពេជ្រ សោភា ក៏បានអំពាវនាវឲ្យចូលរួមគាំទ្រ Miss Grand Cambodia ដែលកំពុងឈរជើងប្រកួតនៅឯប្រទេសឥណ្ឌូនេស៊ីផងដែរ។ ម្យ៉ាងទៀត ពេជ្រ សោភា ក៏បានចំណាយថវិកាមួយចំនួនដើម្បីVoteដល់កញ្ញាឯកដ៏អស្ចារ្យនៃកម្ពុជាឆ្នាំ២០២២ ពេជ្រ វត្តីសារ៉ាវឌ្ឍី ទៀតផង។

បើតាមខ្លឹមសាររបស់អ្នកនាង ពេជ្រ សោភា ក៏បានលើកឡើងនិងអំពាវនាវថា សង្ឃឹមថាគ្រប់យ៉ាងនឹងល្អជាងនេះនៅឆ្នាំក្រោយចុះ តែឆ្នាំនេះគឺមានតែយើងជួយគ្នាបន្តទៀតសិន ព្រោះគ្នាទៅប្រឡងត្រូវការកម្លាំងចិត្តពីបងប្អូនខ្មែរ (តោះព្រោះយើងជាខ្មែរពាក្យនេះ គឺបងប្អូនត្រូវចាំនិងស្រលាញ់) ស៊ូៗណាអូន ញញឹមបងដឹងចិត្តអូនតែអូនត្រូវចាំថា យើងត្រូវរឹងមាំចេញពីខាងក្នុងចិត្តយើង។ ម្នាក់១ដុល្លារ មួយប្រទេសខ្មែរមើល Cambodia let’s go។

អ្នកនាង ពេជ្រ សោភា បានបញ្ជាក់បន្ថែមថា ខ្ញុំVoteរួចរាល់ហើយ ចុះអ្នកទាំងអស់គ្នាវិញ បើសិនជាអ្នកទាំងអស់គ្នាមិនចេះ Vote អាចពឹងខ្ញុំបាន បើជឿជាក់លើខ្ញុំ ( តោះ )។ អ្នកទាំងអស់គ្នាកុំភ្លេចជួយបោះឆ្នោតឲ្យ Miss Grand Cambodia ដេីម្បីឈ្នះពាន “Miss Popular Vote”។ អ្នកឈ្នះនឹងចូលTOP 10 អោយស្វ័យប្រវត្តិនៅថ្ងៃផ្ដាច់ព្រ័ត្រ MGI 22 ។

ក្នុងនោះក៏មានអ្នកគាំទ្របានធ្វើការអំពាវនាវឲ្យកូនខ្មែរស្រាក់ដៃគ្នាចូលរួមបោះឆ្នោតឲ្យ Miss Grand Cambodiaគឺកញ្ញា ពេជ្រ វត្តីសារ៉ាវឌ្ឍី ៕

អត្ថបទ៖ ចាន់រ៉ា