ជីវិតកម្សាន្ដ

ហ្សូណូ ឆ្លងឆ្នាំចាស់ផ្លាស់ចូលឆ្នាំថ្មីភ្លាម កើតរឿងមិនសប្បាយចិត្ត បញ្ចេញ១ប្រយោគ បន្ធូរអារម្មណ៍

បានផុស

៥ years មុន

នៅ

ថ្ងៃសៅរ៍ ២ មករា ២០២១

ដោយ

តារាចម្រៀងមានទឹកដមសម្លេងមនោសញ្ចេតនា អង្រួនបេះដូងអ្នកស្តាប់លោក ហ្សូណូ បើតាមការសង្កេតឃើញទើបតែឆ្លងឆ្នាំចាស់ផ្លាស់ចូលឆ្នាំថ្មីបានមួយថ្ងៃប៉ុណ្ណោះ ក៏ស្រាប់តែតារាប្រុសរូបនេះកើតមានរឿងមិនសប្បាយក្នុងចិត្តទៅហើយ។

កត់សម្គាល់តារាចម្រៀងលោក ហ្សូណូ គឺពេលនេះហាក់មានភាពខុសប្លែកពីតារាប្រុស-ស្រី ខ្មែរឯទៀត ខណ:ដែលពួកគេបាននាំគ្នាបញ្ចេញនូវរូបភាពសប្បាយៗតាមរយៈការជួបជុំគ្រួសារ មិត្តភក្តិឬដំណើរកម្សាន្តតាមបណ្តាខេត្តនានា ក៏ដូចជានៅតាមរមនីយដ្ឋានជាដើម នាអំឡុងពេលស្វាគមន៍ពិធីឆ្លងឆ្នាំចាស់ផ្លាស់ចូលឆ្នាំ២០២១នេះ។

បង្វែរមកចាប់អារម្មណ៍តារាចម្រៀងលោក ហ្សូណូ កាលពីថ្ងៃទី០១ខែមករាម្សិលមិញ នៅលើបណ្តាញសង្គមហ្វេសប៊ុកផ្ទាល់ខ្លួន ត្រូវបានគេប្រទះឃើញសារខ្លីបង្កប់ន័យមិនសប្បាយចិត្តជាមួយការបង្ហាញនូវទឹកមុខបែបស្រគប់ស្រគន់ផងដែរ។ ប៉ុន្តែយ៉ាងគេមិនទាន់ដឹងទេថា តើលោក ហ្សូណូ កំពុងជួបវិបត្តិអ្វីឡើយ។

បន្ថែមពីលើរូបភាពនេះដែរ លោក ហ្សូណូ បានរៀបរាប់សារមានចេតនាដាស់តឿងអារម្មណ៍ថាពេលខ្លួនឯងអត់ គេមើលងាយក៏ខឹងគេ ដល់តែពេលខ្លួនឯងចាប់ផ្តើមមានវិញបន្តិចបន្តូច ក៏ដើរតាមអំណា នអ្នកមុន។ អញ្ចឹងមានតែភ្លេចថាខ្លួនឯងចេញមកពីណា ម្តងគេម្តងយើងធ្វើល្អដាក់គ្នាចេញពីចិត្តគឺ ជាសេចក្តីស្មោះត្រង់ ដែលមិនសាបសូន្យ។ មិនអាចសូមការបកស្រាយពីលោក ហ្សូណូ បាននៅឡើយទេ នៅព្រឹកថ្ងៃទី០២ខែធ្នូ ឆ្នាំ២០២១នេះ៕

អត្ថបទ ៖ ចាន់រ៉ា