ក្រុមច្រៀង OMEGA X រងអំពើហិង្សាពីនាយកប្រតិបត្តិផលិតកម្ម

កាលពីថ្ងៃទី ២៤ ខែតុលា SBS បានធ្វើរបាយការណ៍មួយ ចោទប្រកាន់នាយកប្រតិបត្តិផលិតកម្ម Spire Entertainment ប្រើប្រាស់អំពើហិង្សាដាក់ក្រុមចម្រៀង OMEGA X ដែលបានកើតឡើងនៅទីក្រុង Los Angeles ក្នុងអំឡុងពេលពួកគេធ្វើការប្រគុំតន្ត្រីនៅទីនោះ។

នៅក្នុងវីដេអូនោះ គេឃើញលោក Kang Mo ជា CEO ធ្វើបាបសមាជិកទាំងពាក្យសំដីនិងកាយវិការ។ ដំបូងឡើយ CEO បានស្រែកដាក់សមាជិក Jae-han ដែលកំពុងអង្គុយនៅក្នុងភាពភ័យស្លន់ស្លោ ដោយនិយាយថា”ក្រោកឡើងបើអ្នកឈឺបែបនេះរាល់ថ្ងៃឈប់ធ្វើជា idol ទៅ”។

នៅពេលដែលសមាជិកផ្សេងទៀត សុំឱ្យនាយកប្រតិបត្តិបញ្ឈប់សកម្មភាពនេះ តែលោកមិនព្រមឈប់និងបានបន្តខឹងសម្បារហើយបាននិយាយថា”ខ្ញុំដឹងថាខ្ញុំដួលប៉ុន្មានដង វាឈឺរហូតដល់ស្លាប់។ តែខ្ញុំបន្តធ្វើវាពេញមួយយប់ ទោះបីជាវាឈឺរហូតដល់ស្លាប់ក៏ដោយ”។ គាត់បានបន្តបង្ខំ Jaehan ឱ្យក្រោកឈរឡើង។ ក្នុងនោះត្រូវបានគេរាយការណ៍បន្ថែមទៀតនាយកប្រតិបត្តិរូបនេះ ក៏បានប្រើប្រាស់ពាក្យសម្តីជេរប្រមាថទៅលើសមាជិក Taedong ​ដែលកំពុងមើលថែ Jaehan នៅសណ្ឋាគារផងដែរ។

យ៉ាងណាមិញ SBS ក៏បានបង្ហាញពីការសន្ទនាតាមទូរស័ព្ទរបស់ពួកគេជាមួយនាយកប្រតិបត្តិផងដែរ ដោយក្នុងនោះនាយកប្រតិបត្តិ Kang បានបដិសេធចំពោះការចោទប្រកាន់ពីបទរំលោភបំពាន និងវាយដំលើសមាជិកដោយនិយាយថា “ខ្ញុំមិនដែលស្រែកដាក់សមាជិក ហើយក៏មិនបានធ្វើបាបពួកគេឡើយ”៕

ប្រែសម្រូល៖នាងតូច

ចុចអាន៖អតីតតួឯកស្រីរឿង “កំផែងស្នេហ៍ដួងចន្ទ” រងការរិះគន់ លើឈុតពណ៌ស្វាយស្លៀកក្នុងកម្មវិធីធំមួយ

ចុចអាន៖Lisa ជះឥទ្ធិពលរបស់នាងទៅកាន់ពិភពលោក តាមរយៈបទចម្រៀង