ស្ថាបនិក MGI និយាយអ្វីខ្លះ ពេល Engfa មិនអាចគ្រងមកុដឯក?

កម្មវិធីប្រកួតសម្រស់ Miss Grand International 2022 បានបញ្ចប់ទៅកាលពីរាត្រីម្សិលមិញ ដែលមានបវរកញ្ញា Isabella Menin តំណាងប្រទេសប្រេស៊ីលជាអ្នកគ្រងមកុដឯក ចំណែកលំដាប់រងទី១ បានទៅលើបវរកញ្ញា Engfa Waraha តំណាងប្រទេសថៃ។

មុនប្រកាសលទ្ធផលមហាជនថៃពិតជាសង្ឃឹមមុតមាំថា Engfa​ អាចដណ្ដើមបានជយលាភីឯក ​​ឬពុំនោះទេនាងអាចមានឱកាសចូលដល់វគ្គកំពូលទាំង ៥ មិនខាន។ ជាក់ស្ដែងទោះបី Engfa​ មិនទទួលជ័យជម្នះ​លេខ១ពិតមែន ប៉ុន្តែនាងនៅតែឆក់បានតំណែងខ្ពស់ ធ្វើឱ្យប្រជាជនរបស់នាង មានមោទកភាពលើនាងជាខ្លាំង។

ដោយឡែក ចំពោះស្ថាបនិក និងនាយកប្រតិបត្តិស្ថាប័ន Miss Grand Thailand និង Miss Grand International វិញបានសម្ដែងការអបអរសាទរដល់បវរកញ្ញា Engfa ផងដែរ បើទោះបីជានាងមិនអាចក្លាយជាម្ចាស់មកុដឯកយ៉ាងណាក្ដី។ នៅក្នុងបទសម្ភាសន៍នៅឯប្រទេសឥណ្ឌូនេស៊ី លោក Nawat Isarakraisil បាននិយាយថា Engfa បានប្រឹងប្រែងអស់ពីសមត្ថភាពហើយ គ្រប់វគ្គប្រកួតទាំងអស់នាងសុទ្ធតែធ្វើបានល្អ។ នាងពិតជាសក្តិសមនឹងពាក្យ រាជិនីសម្រស់ ហើយលោករំពឹងថា ទៅថ្ងៃមុខនាងអាចក្លាយជាម្ចាស់មកុដឯក នៅក្នុងកម្មវិធីប្រកួតអន្តរជាតិណាមួយមិនខាន៕

ប្រែសម្រួល៖ សន្យា

ចុចអាន៖ មូលហេតុពីរគត់នាំឱ្យ Matthew ក្លាយជាពិធីករកម្មវិធី MGI ៣ឆ្នាំជាប់គ្នា