ជីវិតកម្សាន្ដ

លេចមុខ Bella Ranee ទៅប្រទេស ឥណ្ឌា ធ្វើបុណ្យ ហ្វេនមិនចង់ជឿ

បានផុស

១ year មុន

នៅ

ថ្ងៃពុធ ២ វិច្ឆិកា ២០២២

ដោយ

កាលពីថ្ងៃម្សិលមិញនេះ តារាសម្ដែងប្រចាំប៉ុស្តិ៍លេខ៣ថៃ Bella Ranee Campaign បានធ្វើធម្មយាត្រាទៅកាន់ប្រទេសឥណ្ឌាជាមួយម្ដាយ បង្កការភ្ញាក់ផ្អើលដល់ហ្វេនរបស់នាងយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងដំណើរទៅកាន់ប្រទេសឥណ្ឌានេះដែរ Bella Ranee ទៅដើម្បីស្វែងរកសន្តិភាព និងបូជានៅចេតិយព្រះពុទ្ធសាសនា ទីសក្ការ កន្លែងត្រាស់ដឹងរបស់ព្រះសម្មាសម្ពុទ្ធ ។ ទន្ទឹមនោះ នាងក៏បានចែកចាយរូបភាពពីបរិយាកាសផ្សេងៗ ឲ្យអ្នកគាំទ្រទស្សនា ព្រមជាមួយនឹងខេបសិនបង្ហាញក្ដីរំភើបថា “នេះជាដំណើរទស្សនកិច្ចលើកដំបូងរបស់ខ្ញុំទៅកាន់ប្រទេសឥណ្ឌា។ ដំណើរកំសាន្តពេលព្រឹក យើងកុំភ្លេចនាំម្តាយរបស់យើងទៅជាមួយ។ នាំម៉ែទៅកន្លែងព្រះពុទ្ធត្រាស់ដឹង មកទទួលបានកម្លាំងចិត្ត ធ្វើបុណ្យអធិដ្ឋាន ធ្វើសមាធិ ដែលម៉ែនិយាយថា នេះជាលើកដំបូង ដែលខ្ញុំអាចធ្វើសមាធិបានច្រើនបំផុត។ មិនមានរឿងចៃដន្យទេនៅលើពិភពលោក។ អ្វីៗត្រូវបែងចែកតាមហេតុនិងផល។ នេះជាបុណ្យដ៏អស្ចារ្យមួយសម្រាប់ Belle និងក្រុមគ្រួសារ។”

ទោះយ៉ាងណាក្ដី នេះមិនមែនជាលើកទី១ឡើយ ដែលតួឯកស្រីក្នុងរឿង “បុព្វេសន្និវាស” តែងតែងបង្ហាញពីរូបភាពធ្វើបុណ្យជាមួយម្ដាយ។ កាលពីប៉ុន្មានថ្ងៃមុន នាងក៏ធ្លាប់ធ្វើដំណើរទៅធ្វើបុណ្យនៅវត្តផ្សេងៗជាញឹកញាប់ ព្រមជាមួយនឹងរូបភាពបុណ្យកឋិនជុំហ្វេននិងមនុស្សជាទីស្រលាញ់ថ្មីៗនេះទេ៕