ជីវិតកម្សាន្ដ

ខាត់ សុឃីម រម្លឹកអនុស្សាវរីយ៍ទាំងទឹកភ្នែកជាមួយ ខាត់ ចំរើន តាំងពីក្មេងរហូតថ្ងៃស្លាប់

បានផុស

៤ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

គិតមកទល់ពេលនេះតារាកំប្លែងលោក ខាត់ ចំរើន បានទទួលមរណភាពប្រមាណជិត ១០ ថ្ងៃហើយ ប៉ុន្តែក្ដីអាឡោះអាល័យពីសំណាក់បងប្អូន និងក្រុមគ្រួសារ ដក់ជាប់ក្នុងចិត្តជានិច្ច ពិសេសអនុស្សាវរីយ៍ជាច្រើនដែល ខាត់ ចំរើន បានបន្សល់ទុកកាលពីនៅមានជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងសម្រាប់តារាពហុជំនាញអ្នកនាង ខាត់ សុឃីម ដែលជាបងស្រីបង្កើតលោក ខាត់ ចំរើន នៅតែបង្ហាញភាពសោកសៅ និងស្ដាយស្រណោះចំពោះការបាត់បងប្អូនប្រុសជាទីស្រលាញ់ចេញពីក្រុមគ្រួសារដោយគ្មានថ្ងៃវិលត្រឡប់។ ជាក់ស្ដែងពិធីបុណ្យគម្រប់ខួប ៧ ថ្ងៃ ឧទ្ទិសកុសលដល់វិញ្ញាណក្ខន្ធលោក ខាត់ ចំរើន គេឃើញអ្នកនាង ខាត់ សុឃីម បានរៀបរាប់អនុស្សាវរីយ៍ទាំងទឹកភ្នែកផងដែរ។

អ្នកនាង ខាត់ សុឃីម បានរៀបរាប់ថា យប់នេះជាយប់ទី ៧ (ថ្ងៃសៅរ៍) នៃការចែកឋានរបស់ប្អូនហើយជាយប់ដែលបងសោកសង្រេងបំផុត នៃការចាកចេញរបស់ឯង ខាត់ ចំរើន ពួកយើងលែងបានជួបគ្នា លែងបានឈ្លោះគ្នា លែងបានបន្ទោស លែងបានសើចសប្បាយជាមួយគ្នាទៀតហើយ បងពិតជាចងចាំនូវរូបភាពគ្រប់បែបយ៉ាងតាំងពីក្មេងរហូតមកដល់ពេលនេះ ឯងចិត្តដាច់ពេកហើយ។ សូមឲ្យវិញ្ញាណក្ខន្ធឯងបានទៅកាន់សុគតិភព។

បន្ទាប់ពីឃើញខ្លឹមសារនេះបានធ្វើឲ្យអ្នកគាំទ្រកាន់តែនឹកស្រណោះអាល័យដល់តារាកំប្លែងលោក ខាត់ ចំរើន។

សូមរម្លឹកថា តារាកំប្លែង និងចម្រៀងលោក ខាត់ ចំរើន ដែលជាប្អូនប្រុសបង្កើតអ្នកនាងខាត់ សុឃីម បានទទួលមរណភាពកាលពីព្រឹកថ្ងៃទី ២០ ខែវិច្ឆិកា ឆ្នាំ ២០២២ ក្នុងវ័យ ៤០ ឆ្នាំ ដោយសារជំងឺក្រិនថ្លើម បេះដូង និងក្រលៀន។

តាមរយៈដំណឹងមរណភាពតារាកំប្លែងលោក ខាត់ ចំរើន នេះ គេឃើញមានអ្នកគាំទ្រ ព្រមទាំងសិល្បករ-សិល្បការិនីជាច្រើន បានសម្ដែងការសោកស្ដាយចំពោះការបាត់បង់ធនធានសិល្បករដ៏មានប្រជាប្រិយភាព និងទេពកោសល្យផ្នែកសិល្បៈស្ទើរគ្រប់ជំនាញ៕

អត្ថបទ ៖ ចាន់រ៉ា