ជីវិតកម្សាន្ដ
លោក សុះ ម៉ាច អង្វរស្នើសុំអ្នកបើកបរយានយន្តគ្រប់ប្រភេទគោរពច្បាប់ចរាចរណ៍
ភ្នំពេញ ៖ ដោយសង្កេតឃើញសព្វថ្ងៃ បញ្ហាគ្រោះថ្នាក់ចរាចរណ៍តែងកើតឡើងជាបន្តបន្ទាប់ បណ្ដាលឲ្យមានគ្រោះថ្នាក់ដល់អាយុជីវិត និងស្លាប់ជាដើមនោះ តារាចម្រៀងល្បីឈ្មោះលោក សុះ ម៉ាច បានចេញមកអំពាវនាវយ៉ាងទទូច ដោយស្នើសុំចំពោះអ្នកបើកបរយានយន្តគ្រប់ប្រភេទ ត្រូវចូលរួមគោរពច្បាប់ចរាចរណ៍ឲ្យបានត្រឹមត្រូវ។
តារាជើងចាស់លោក សុះ ម៉ាច បានលើកឡើងដោយទទូចថា “ខ្ញុំសូមចូលរួមចំណែកជាមតិ និងសំណូមពរខ្លះចំពោះបញ្ហាគ្រោះថ្នាក់ចរាចរណ៍ដែលកំពុងតែឆក់យកអាយុជីវិត ក៏ដូចបំផ្លាញឲ្យខូចខាតទ្រព្យសម្បត្តិដល់ប្រជាពលរដ្ឋសព្វថ្ងៃ។ ជាប្រយោជន៍ដើម្បីកុំឲ្យប្រទេសសន្តិភាពមួយនេះ អាយុជីវិតពលរដ្ឋមិនស្លាប់ដោយគ្រាប់កាំភ្លើង តែបែរជាស្លាប់ដោយសាររថយន្ត និងម៉ូតូទៅវិញ។
លោក សុះ ម៉ាច និយាយបន្តថា ក្នុងនាមប្រជាពលរដ្ឋមួយរូប លោកសុំទទូច និងអង្វរទៅដល់អ្នកបើកបរទាំងឡាយ មិនថារថយន្តធុនតូច ,ធុនធំ ឬម៉ូតូទេ សូមមេត្តាងាកមកគោរពនូវច្បាប់ចរាចរណ៍ឲ្យបានខ្ជាប់ខ្ជួនគ្រប់ៗគ្នា។ លោកថា តាមការសង្កេតនៅតាមការផ្សាយព័ត៌មានទាន់ហេតុការណ៍មួយចំនួន គឺអំឡុងពេលមួយរយៈចុងក្រោយនេះឃើញថា បញ្ហាគ្រោះថ្នាក់ចរាចរណ៍បានកើតឡើងសឹងតែរាល់ថ្ងៃ ហើយទៀតសោត ក៏កាន់តែសាហាវតែម្ដង។
តារាចម្រៀង សុះ ម៉ាច បាននិយាយទៀតថា លោកពិតជាអនិច្ចាខ្លាំងណាស់សម្រាប់ជនរងគ្រោះទាំងនោះ ដោយក្នុងនោះលោក សុះ ម៉ាច ក៏លើកភ្ជាប់មកជាមួយករណីគ្រោះថ្នាក់ចរាចរណ៍ ដែលរថយន្តស៊េរីទំនើបបើកបុក ១ គ្រួសារ នៅលើស្ពានជ្រោយចង្វារ បណ្ដាលឲ្យឪពុក-ម្ដាយ និងទារកអាយុប្រមាណ ២ ខែ រងរបួសធ្ងន់។
លោកបន្ថែមថា បញ្ហាគ្រោះថ្នាក់ដែលបានកើតឡើងរាល់ថ្ងៃនេះ គឺកើតឡើងផ្តើមចេញមកពីការបើកបរមិនគោរពច្បាប់ចរាចរណ៍, មិនគោរពភ្លើងសញ្ញា ,មិនគោរពស្លាកសញ្ញា,បើកបរហួសល្បឿនកំណត់ បើកបរដោយការធ្វេសប្រហែស និងការបើកបរក្រោមឥទ្ធិពល នៃគ្រឿងស្រវឹងជាដើម។
ដូច្នេះលោក សុះ ម៉ាច សូមសំណូមពរដល់អ្នកបើកបរទាំងអស់ ត្រូវគិតគូរពីអាយុជីវិត ទ្រព្យសម្បត្តិអ្នកដទៃ ក៏ដូចជាខ្លួនឯងផ្ទាល់ផងដែរ៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ