Connect with us

ជីវិតកម្សាន្ដ

ទីបំផុត លោក អ៊ិន សុភិន ប្រកាសឈប់រៀបចំការប្រកួត Miss Grand Cambodia

បានផុស

នៅ

កម្មវិធី​ប្រកួត​បវរកញ្ញា​នៅ​កម្ពុជា គឺ Miss Grand Cambodia បាន​លេច​វត្តមាន​ជាច្រើន​ឆ្នាំ​មក​ហើយ ក្រោម​ការ​ដឹកនាំ និង​រៀបចំ​គ្រប់គ្រង​ដោយ លោក អ៊ិន សុភិន ដែល​ជា​ថៅកែ​ផលិតកម្ម​មហាហង្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ការ​ប្រកួត​ជ្រើសរើស​ជាច្រើន​ឆ្នាំ​មក​នេះ លោក​តែង​នាំ​យក​បវរកញ្ញា​ដែល​ជាប់​ជ័យលាភី​ចេញ​ទៅ​ប្រកួត​លើ​ឆាក​អន្តរជាតិ​ជា​បន្តបន្ទាប់។

ប៉ុន្តែ​អ្វី​ដែល​កាន់តែ​ធ្វើ​ឲ្យ​អ្នកគាំទ្រ ពិសេស​អ្នក​និយម​តាមដាន​វិស័យ​បវរកញ្ញា​នៅ​កម្ពុជា មាន​ការ​ភ្ញាក់ផ្អើល​នោះ ក្រោយ​ការ​ដឹកនាំ​បវរកញ្ញា​តំណាង​កម្ពុជា​ចេញ​ទៅ​ប្រកួត​នៅ​លើ​ឆាក​អន្តរជាតិ​មិន​បាន​ប៉ុន្មាន​ផង ស្រាប់តែ​លេច​ដំណឹង​ថា លោក អ៊ិន សុភិន ពេលនេះ​បាន​ប្រកាស​សម្រេច​ឈប់​ធ្វើ​កម្មវិធី​ប្រកួត Miss Grand Cambodia ចាប់ពី​ឆ្នាំ ២០២៣ នេះ​តែម្ដង។

ដំណឹង​នេះ​បាន​ធ្វើ​ឲ្យ​អ្នកគាំទ្រ និង​បេក្ខភាព​ធ្លាប់​ប្រឡង Miss Grand Cambodia ជាច្រើន បាន​សម្ដែង​ការ​សោកស្ដាយ​គ្រប់គ្នា ព្រោះ​ថា​កម្មវិធី​ប្រកួត​មួយ​នេះ​កន្លងមក​បាន​ធ្វើ​ឲ្យ​បេក្ខជន​ជាច្រើន​ឆ្លងកាត់​បទពិសោធន៍​តាមរយៈ​ការ​ប្រកួតប្រជែង​សម្រស់​កញ្ញា​ឯក​ខាងលើ។ ថ្វី​ត្បិត​មាន​ការ​សោកស្ដាយ​ពី​មហាជន តែ​លោក អ៊ិន សុភិន នៅតែ​ប្រកាស​ជំហរ​ឈប់​ធ្វើ​កម្មវិធី​នេះ។

លោក អ៊ិន សុភិន បាន​ថ្លែង​បញ្ជាក់​ដោយ​ខ្លី​ថា «ខ្ញុំ​សុំ​ឈប់​ធ្វើ Miss Grand Cambodia ចាប់ពី​ឆ្នាំ ២០២៣ នេះ​តទៅ ដោយ​មូលហេតុ​ចង់​សម្រាក​ពី​ការងារ​ផ្នែក​មួយ​នេះ អរគុណ​សម្រាប់​ការ​គាំទ្រ​កន្លង​មក»។

សូម​ជម្រាប​ថា តាម​ការ​កត់សម្គាល់ បន្ទាប់ពី​បញ្ចប់​ការ​ប្រកួត Miss Grand Cambodia ក្នុង​អំឡុង​ឆ្នាំ ២០២២ កាលពី​កន្លងមក ស្ថាប័ន​មួយ​នេះ​ហាក់​មាន​រឿងរ៉ាវ​ចម្រូងចម្រាស និង​ផ្ទុះ​នូវ​ការ​រិះគន់​ពី សំណាក់​ទស្សនិកជន ព្រមទាំង​អ្នក​ប្រើប្រាស់​បណ្ដាញ​សង្គម​ហ្វេសប៊ុក​ជាច្រើន ពោល​គឺ​ចាប់​តាំងពី​ការ​បង្ហាញ​ឈុត​តំណាង​ខេត្ត​-​ក្រុង និង​ការ​បង្ហាញ​ឈុត​តំណាង​ជាតិ​(​ឈុត​គោព្រៃ​) ដែល​យក​ទៅ​ប្រកួត​នៅ​លើ​ឆាក​អន្តរជាតិ​នា​ប្រទេស​ឥណ្ឌូណេស៊ី៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ១០ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ១០ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ១៣ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ១៤ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម