មុនចេញទៅប្រកួត បវរកញ្ញាចក្រវាល Anna ត្រូវរៀមច្បងដៀមដាមយ៉ាងស្ពឹកមុខ

អំឡុងពេលរៀបចំការហោះហើរទៅកាន់ទឹកសហរដ្ឋអាមេរិក ដើម្បីចូលរួមប្រកួតកម្មវិធី​ Miss Universe 2022 បវរកញ្ញា Anna ម្ចាស់មកុដបវរកញ្ញាចក្រវាលថៃ ឆ្នាំ២០២២ ត្រូវរៀមច្បងដៀមដាមយ៉ាងស្ពឹកមុខ ក្រោយពេលនាងសម្ញែងកាបូបស្បែកពស់ នៅព្រលានយន្តហោះ។

កាលពីព្រឹកមិញនេះ Mariya Poonlertlarp អតីត Miss Universe Thailand 2017 បានបង្ហោះរូបជូនពរបវរកញ្ញា Anna មុនពេលនាងលាចាកមាតុភូមិ ដើម្បីបង្ហាញមុខនៅលើឆាកអន្តរជាតិ។ ប៉ុន្តែទន្ទឹមគ្នានេះ អ្នកលេងអ៊ីនធឺណិតមួយចំនួនបានយក Caption ចាស់របស់ Mariya ដោយកាត់តរូបរបស់ Anna​ ជាមួយនឹងពាក្យរិះគន់លើអតីបវរកញ្ញា Anchile Scott កាលពីឆ្នាំមុន រឿងប្រើប្រាស់កាបូបស្បែកសត្វ។

ភ្លាមៗ Mariya បានចេញមុខមកបកស្រាយថា នេះជារឿងប្រឌិតដែលត្រូវបានគេកាត់តតែប៉ុណ្ណោះ។ ទោះយ៉ាងណា អតីតបវរកញ្ញារូបនេះ នៅតែបន្លំដៀមដាមជាប្រយោលលើ Anna ដោយនាងនិយាយថា ប្រសិនបើអ្នកប្រើប្រាស់កាបូបនេះ យកចិត្តទុកដាក់លើកន្លែងដែលវាផលិត ប្រហែលជាល្អមិនខាន។ ថ្វីត្បិតតែនាងមិនបានរិះគន់ចំៗ ប៉ុន្តែក្នុងន័យនេះ Mariya នៅតែមានបំណងឱ្យគ្រប់គ្នាចៀសវាងកាប្រើប្រាស់សម្ភារផលិតពីស្បែកសត្វគ្រប់ប្រភេទ ជាពិសេសតារាល្បីៗដែលជាមនុស្សមានឥទ្ធិពលមួយរូបនៅក្នុងសង្គម។

គួរបញ្ជាក់ថា កាលពីឆ្នាំកន្លងទៅអតីត Miss Universe Thailand 2017 បវរកញ្ញា កញ្ញា Mariya Poonlertlarp ធ្លាប់រិះគន់មិនសំចៃមាត់ទៅលើបវរកញ្ញា Anchile Scott ម្ចាស់មកុដ Miss Universe Thailnad 2021 ចំពោះការប្រើប្រាស់កាបូបដៃច្នៃចេញពីស្បែកសត្វ ព្រោះនាងជាបុគ្គលម្នាក់ដែលមានឆន្ទៈអភិរក្សសត្វខ្លាំងណាស់។ កាលណោះនាងនិយាយចំៗទៅលើ  Anchile ថា ការប្រើប្រាស់កាបូបស្បែកសត្វរបស់ Anchile គឺជាការដាក់ទណ្ឌកម្មដ៏អាក្រក់បំផុតចំពោះសត្វ៕

ប្រែសម្រួល៖ សន្យា

ចុចអាន៖ Mai Davika ប្រែសម្រស់ជាបវរកញ្ញា មើលសឹងមិនស្គាល់