ជីវិតកម្សាន្ដ

និស្សិតស្រីម្នាក់បង្ហើបពីការតែងខ្លួនបែបសាមញ្ញ តែស្រស់ស្អាត និងទាក់ទាញ

បានផុស

៤ years មុន

នៅ

ថ្ងៃអង្គារ ៣ មករា ២០២៣

ដោយ

ស្តាយ៍នៃការតុបតែងរបស់មនុស្សម្នាក់ៗមានលក្ខណៈខុសៗគ្នា ទៅតាមការស្រលាញ់ចូលចិត្តរៀងៗខ្លួន ដោយអ្នកខ្លះអាចស្រលាញ់បែបទាន់សម័យ ស៊ិចស៊ី សាមញ្ញ ឬសុភាពជាដើម។ ជាមួយគ្នានេះ យើងមកមើលការតុបតែងខ្លួនរបស់និស្សិតម្នាក់នេះ មើលទៅសាមញ្ញ តែស្រស់ស្អាត និងទាក់ទាញមួយបែបដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និស្សិតស្រីម្នាក់ឈ្មោះ ឡន សុថាន្នី ដែលកំពុងបន្តការសិក្សានៅរាជធានីភ្នំពេញ បានបង្ហើបខ្លះៗពីការតុបតែងខ្លួនរបស់នាងប្រចាំថ្ងៃ ពេលទៅសាលា ពេលដើរផ្សារ ពេលដើរលេង និងពេលទៅកន្លែងផ្សេងៗ។

សុថាន្នី បានលើកឡើងថា នៅពេលទៅសាលា កញ្ញាចូលចិត្តតែងខ្លួនសមរម្យជាសិស្ស មិនស៊ិចស៊ីពេក។ តែក៏បន្ថែមការ Make up បន្តិចបន្តួច ដូចជាប្រើប្រាស់ក្រែម skin care ជំនួយស្បែកជាដើម។ ចំណែកពេលទៅក្រៅ កញ្ញាចូលចិត្តបែបសមរម្យធម្មតា ដោយបត់បែនទៅតាមពេលវេលា គ្រាន់តែអាវយឺត ឬអាវប្រភេទសាច់ក្រណាត់ សំពត់ខ្លី ខោខ៉ាវប៊យ ខ្លីហើយក៏មិនចូលចិត្តបែបខ្លីពេកដែរ។

យុវតីរូបនេះមើលឃើញថា ការតុបតែងខ្លួនខ្លះរបស់មនុស្សស្រី បន្ថែមភាពទាក់ទាញមួយតាមរូបរាងខាងក្រៅ អាចជួយឱ្យនារីមានការចាប់អារម្មណ៍ពីមនុស្សជុំវិញខ្លួនបានមួយកម្រិតទៀត។

យុវតីជាសិស្សសាលារូបនេះបានបង្ហើបប្រាប់ថា ចូលចិត្តទិញរបស់របរសម្រាប់ make up សំលៀកបំពាក់ ឬរបស់របរប្រើសប្រាស់នានា នៅតាមonline ក្នុងហាងទំនើបផ្សេងៗ។ ពេលខ្លះ ចូលចិត្តដើរផ្សារ ហើយឃើញខោអាវស្អាតៗ ក៏ទិញ មិនសូវគិតច្រើនទេ»។

ស្របតាមការប្រើប្រាស់គ្រឿងទាំងអស់នេះ សុថាន្នី ក៏ត្អូញត្អែរពីការចំណាយច្រើនដែរ ម្យ៉ាងសុថាន្នីជាសិស្សមិនទាន់មានការងារធ្វើ ដែលអាចទទួលបានចំណូលដើម្បីផ្គត់ផ្គង់ខ្លួនឯង។

សុថាន្នី ចង់ឱ្យអ្នកដែលចូលចិត្តលេងខ្លួនច្រើន ចំណាយទៅលើរបស់ថ្លៃៗនានា គួរគិតឱ្យបានច្បាស់ពីចំណូលចំណាយឱ្យបានច្បាស់ជាមុនសិនដើម្បីកុំឱ្យមានការចំណាយច្រើននាំពិបាកដល់គ្រួសារ៕

ដោយ៖ ថារី

Related Topics:ស្ទីលតុបតែងខ្លួន