YG បង្ហាញសមាជិក BABYMONSTER មានសញ្ជាតិ ថៃ កំពុងទទួលការចាប់អារម្មណ៍ខ្លាំង

ផលិតកម្ម YG Entertainment បានបង្ហាញអត្តសញ្ញាណរបស់សមាជិកទីបីនៃក្រុមចម្រៀងនារី Baby Monster ដែលនាងមានអាយុ ១៣ ឆ្នាំមានសញ្ជាតិដូចគ្នានឹង Lisa សមាជិក Blackpink ហើយនាងកំពុងទទួលការចាប់អារម្មណ៍យ៉ាងខ្លាំង ។

សមាជិកជនជាតិថៃអាយុ ១៣ ឆ្នាំរូបនេះត្រូវបានគេស្គាល់ឈ្មោះថា chikita នេះប្រហែលជាសមាជិកក្មេងបំផុតក្នុងក្រុម ហើយក៏ជាតារាដែលក្មេងបំផុតក្នុង Kpop ដែរ។ នៅក្នុងវីដេអូណែនាំចុងក្រោយរបស់ chikita តារាស្រីរូបនេះបានធ្វើមានការភ្ញាក់ផ្អើលជាមួយនឹងការសម្តែងផ្ទាល់របស់នាងជំនួសឱ្យការបង្ហាញក្បាច់រាំរបស់នាង។

នាងបានសម្តែងបទចម្រៀង “Badroom” របស់ Lam Tuan Kiet និង Anne-Marie ជាមួយនឹងទឹកដម សម្លេងដ៏ផ្អែមល្ហែមរបស់នាង។ ទស្សនិកជនជាច្រើនបានបញ្ចេញមតិថា ក្នុងចំណោមសមាជិក ៣ នាក់ដំបូង chikita មានសំលេងពិសេស និងល្អឥតខ្ចោះបំផុត និងមានមនុស្សជាច្រើនគិតថា chikita នឹងក្លាយជាសមាជិកដ៏លេចធ្លោម្នាក់ក្នុងចំណោមសមាជិកទាំងអស់របស់ BABYMONSTER ។

ជាមួយគ្នានេះ chikita គឺជាតារាបរទេសដំបូងបង្អស់របស់ BABYMONSTER ដែលបង្ហាញខ្លួនជាសាធារណៈ ភាពជោគជ័យរបស់តារាស្រីថៃ Lisa សមាជិក Blackpink ធ្វើឲ្យទស្សនិកជនរំពឹងថា chikita នឹងដើរតាមគន្លងចាស់របស់នាង មានកេរ្តិ៍ឈ្មោះល្បីជាខ្លាំង។

យ៉ាងណាមិញ BABYMONSTER ក្រុមដែលមានសមាជិក ៧ នាក់គឺជាក្រុមចម្រៀងថ្មីបង្កើតឡើង ដោយផលិតកម្ម YG Entertainment ដែលមានការចាប់អារម្មណ៍ខ្លាំងបំផុតក្នុងវិស័យ Kpop សព្វថ្ងៃនេះ។

ប្រែសម្រួល៖នាងតូច

ចុចអាន៖Jimin សមាជិក BTS បង្ហាញពីឥទ្ធិពលនៅក្នុងកម្មវិធី Paris Fashion Week