BLACKPINK នឹងបន្តកុងត្រាថ្មីជាមួយ YG Entertainment ទេ ?

ខណៈដែលក្រុម BLACKPINK បានឈានចូលដល់ឆ្នាំទីប្រាំពីរនៃកិច្ចសន្យារបស់ពួកគេជាមួយ YG Entertainment ហើយនៅខែ សីហា ឆ្នាំនេះ កិច្ចសន្យាផ្តាច់មុខរបស់ពួកគេជាមួយផលិតកម្មមួយនេះនឹងត្រូវបានបញ្ចប់ជាស្ថាពរ ។

ទោះយ៉ាងណា កាលពីពេលថ្មីៗនេះមានសារព័ត៌មានកម្សាន្តជាច្រើនបានចុះផ្សាយនិងព្យាករណ៍ថា BLACKPINK នឹងបន្តកិច្ចសន្យាជាមួយ YG Entertainment នៅក្នុងរបាយការណ៍វិភាគរបស់ខ្លួន។ ប៉ុន្តែយោងទៅតាមរបាយការណ៍ថ្មីរបស់គេហទំ ព័រ Munhwa Ilbo បានចុះផ្សាយនៅថ្ងៃទី ២៣ ខែ មករា បានព្យាករណ៍ថា វាមិនងាយស្រួលទេសម្រាប់ YG Entertainment ក្នុងការចុះកុងត្រាថ្មី ខណៈដែលសមាជិករបស់ BLACKPINK កំពុងត្រូវបានផ្តល់ជូនសម្រាប់ប្រាក់ជាច្រើនទៀតពីផលិតកម្មផ្សេងៗ។

យោងតាមប្រភពខាងក្នុង បានឲ្យដឹងថាសមាជិក Lisa បច្ចុប្បន្នកំពុងត្រូវបានផ្តល់ជូន ១០០ ពាន់លានវ៉ុន (ប្រហែល ៨១ លានដុល្លារ) ដើម្បីផ្លាស់ប្តូរភ្នាក់ងារ ដែលជាអ្វីដែល YG Entertainment ពិបាកក្នុងការចុះកុងត្រាថ្មី។ ជាមួយគ្នានេះសមាជិកក្រុម BLACKPINK ត្រូវបានគេនិយាយថា ប្រសិនបើពួកគេចង់បន្តកុងត្រាថ្មី ខាងផលិតកម្ម YG Entertainment នឹងត្រូវចំណាយយ៉ាងហោចណាស់ ២០ ពាន់លានវ៉ុន (ប្រហែល ១៦ លានដុល្លារ) ក្នុងសមាជិកម្នាក់ ប្រសិនបើពួកគេចង់រក្សាក្រុមពីការបន្តកុងត្រាជាមួយក្រុមហ៊ុន។

ទន្ទឹមនឹងនេះ BLACKPINK នឹងបញ្ចប់ដំណើរទេសចរណ៍ពិភពលោកបច្ចុប្បន្នរបស់ពួកគេនៅខែមិថុនានេះ ពោលគឺត្រឹមតែពីរខែប៉ុណ្ណោះមុនពេលកិច្ចសន្យារបស់ពួកគេផុតកំណត់ ដែលជាហេតុធ្វើឱ្យ YG Entertainment អាចនឹងមានអារម្មណ៍ភ័យព្រួយនៅពេលនេះ៕

ប្រែសម្រួល៖នាងតូច

ចុចអាន៖YG បង្ហាញសមាជិក BABYMONSTER មានសញ្ជាតិ ថៃ កំពុងទទួលការចាប់អារម្មណ៍ខ្លាំង