ជីវិតកម្សាន្ដ

Pinky លេចមុខលើក្របទស្សនាវដ្ដីល្បីមួយ ក្រោយដោះលែងពីពន្ធនាគារ

បានផុស

៣ years មុន

នៅ

ថ្ងៃសៅរ៍ ២៨ មករា ២០២៣

ដោយ

តារាសម្ដែង Pinky Savika ពេលនេះនាងស្រាប់តែលេចមុខលើគម្របទស្សនាវដ្ដីដំបូងរបស់ TV Pool បន្ទាប់ពីតុលាការដោះលែងពីពន្ធនាគារជាបណ្ដោះអាសន្ន និងបានអនុញ្ញាតឲ្យនាងមានសេរីភាពឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្មីៗនេះ Pinky Savika បានថតរូបក្នុងទស្សនាវដ្ដី TV Pool លេខ ១៤៨៦ ដើម្បីត្រៀមបង្ហោះនាថ្ងៃ១៤កុម្ភៈនៃសេចក្ដីស្រលាញ់។ នៅលើទំព័រទស្សនាវដ្ដីដដែលនេះ បានបង្ហាញក្របទស្សនាវដ្ដីចុងក្រោយតាមរយៈទំព័រ Facebook របស់ខ្លួនយ៉ាងគគ្រឹកគគ្រេង។ ភ្លាមៗនោះដែរ មហាជនបានសម្រុកចូលទៅបញ្ចេញមតិជាច្រើន និងរូប Emoji លើកទឹកចិត្ត Pinky ថា ពួកគេនៅតែជាហ្វេននិងរង់ចាំនាងមកសម្ដែងក្នុងវិស័យសិល្បៈជានិច្ច។ ទោះបីជានាងមានប្រវត្តិបែបណា តែបើនាងកែខ្លួនហើយប្រឹងធ្វើល្អ មិនខ្វះទេអ្នករង់ចាំគាំទ្រ Pinky ឲ្យល្បីល្បាញឡើងវិញ។

ទោះយ៉ាងណាតារាសម្ដែង Pinky Savika ក៏ត្រូវបានមហាជនជាច្រើនដឹងថា នាងត្រូវបានដោះលែងពីពន្ធនាគារកាលពីចុងឆ្នាំមុន។ ជាទូទៅអ្នកគាំទ្រតែងតាមដានចលនារបស់នាងតាមរយៈ Instagram ប៉ុន្តែនាងទើបតែហ៊ានបង្ហោះនៅសកម្មភាពខ្លួនឯងកាលពីថ្ងៃទី ១៦ ខែមករា ឆ្នាំ ២០២៣ ជាឃ្លិបដែលថតយកទេសភាពអំឡុងពេលធ្វើដំណើរប៉ុណ្ណោះ។

គួររំលឹកដែរថា តារាសម្ដែងស្រី Pinky និងក្រុមគ្រួសារ បានជាប់ពាក់ព័ន្ធជាមួយករណីចែករំលែកខ្សែសង្វាក់ Forex-3D ចាប់តាំងពីថ្ងៃទី ១៨ ខែសីហា ឆ្នាំ២០២២មកម្ល៉េះ។ ភ្លាមៗនោះដែរ នាងនិងម្ដាយរួមទាំងបងប្រុស ត្រូវបានប៉ូលិសបញ្ចូនចូលគុក ដោយមិនអាចសុំសិទ្ធឲ្យនៅក្រៅឃុំបានឡើយ។ តែយ៉ាងណាក្រោយមកតុលាការបាន ដោះលែងឲ្យក្រៅឃុំ ហើយនាងក៏មិនមានសិទ្ធចាកចេញទៅក្រៅប្រទេសបានឡើយ៕