ជីវិតកម្សាន្ដ

Mai Davika ឆ្លើយតបយ៉ាងក្ដៅគគុក ក្រោយមានអ្នកមិនអស់ចិត្ត រឿងកែសម្ភស្ស

បានផុស

១ ខែ មុន

នៅ

ថ្ងៃព្រហស្បតិ៍ ២ កុម្ភៈ ២០២៣

ដោយ

Mai Davika ធ្លាប់បង្ហោះឃ្លិបបង្ហាញភស្តុតាងដោយមានគ្រូពេទ្យជំនាញជួយស្កេនមុខ ហើយបញ្ជាក់ថា នាងមិនធ្លាប់វះកាត់ម្តង ប៉ុន្តែទោះជាយ៉ាងណា ក៏នៅតែមានអ្នកលេងអ៊ីនធឺណិតបញ្ចេញមតិថាមិនជឿ ត្រៀមខ្លួនជាស្រេច ដើម្បីស្វែងរកកន្លែងដែលនាងធ្វើការវះកាត់ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា នៅតែមានរឿងរ៉ាវចម្រូងចម្រាសមិនទាន់ចប់ រហូតធ្វើឲ្យតារាសម្ដែងរូបនេះធ្លាប់ចេញមុខតបកាលពីលើកមុនថា “អ្នកដឹងច្បាស់ណាស់! Mai មិនដែលឃើញអ្នកមានទំនុកចិត្តបែបនេះពីមុនមកទេ”។

ដោយឡែក កាលពីពេលថ្មីៗនេះ Mai Davika បាននិយាយអំពីបញ្ហានេះម្ដងទៀត តាមរយៈបទសម្ភាសន៍ថា “ដែលខ្ញុំបានឆ្លើយតបទៅនឹងមតិយោបល់នោះ គឺខ្ញុំឆ្លើយដោយចិត្តសប្បុរស។ ខ្ញុំមិនដែលឃើញអ្នកណាបញ្ចេញមតិដោយមានទំនុកចិត្តបែបនេះទេ។ ខ្ញុំមិនខឹងគាត់ទេ! ព្រោះអ្នកបញ្ចេញយោបល់ផ្សេងទៀត ធ្លាប់ប្រមាថខ្ញុំច្រើនជាងនេះទៅទៀត។ ប៉ុន្តែខ្ញុំមានអារម្មណ៍ថា គាត់សរសេរច្រើនអំពីកន្លែង និងអ្វីដែលគាត់កំពុងធ្វើដូចរាងជឿជាក់ខ្លាំង”។

មកដល់ពេលនេះ មិនមែនជាលើកទី១ឡើយសម្រាប់តារាសម្ដែង Mai Davika ឆ្លើយតបទៅកាន់អ្នកលេងអ៊ីនធឺណិត ដោយកាលពីលើកមុន នាងធ្លាប់ឆ្លើយតបយ៉ាងសុភាពរាបសា និងមិនប្រកាន់នឹងការបញ្ចេញមតិមិនល្អណាមួយឡើយ។ ជាពិសេសនោះ Mai ថាចង់អ្នកណាថាអីឲ្យនាងគឺជារឿងរបស់គេព្រោះនាងជាមនុស្សរបស់មហាជនប៉ុន្តែដោយសារច្រើនដងពេកទ្រាំលែងបានទើបនាងព្រលយសារយ៉ាងវែងអន្លាយតបតទៅវិញ៕