រឿង ‘The Idol’ របស់ Jennie នឹងចេញផ្សាយនៅពាក់កណ្ដាលឆ្នាំនេះ

យោងទៅតាមទូរទស្សន៍ HBO MAX ប្រកាសកាលពីថ្ងៃទី ៧ ឲ្យដឹងថារឿង ‘The Idol’ ផលិតដោយតារាចម្រៀងប៉ុប The Weeknd និងមានការចូលរួមសម្តែងពី Jennie សមាជិក BLACKPINK នឹងចេញនៅពាក់កណ្តាលឆ្នាំនេះ ។

ជាមួយគ្នានេះ នៅក្នុងបទសម្ភាសន៍ជាមួយប្រព័ន្ធផ្សព្វផ្សាយបរទេស អ្នកតំណាងរបស់ HBO MAX បានបន្ថែមថារឿង ‘The Idol’ មានការរំពឹងទុកនឹងចេញនៅខែមិថុនា។ ខ្សែភាពយន្តនេះ និយាយអំពីពិភពឧស្សាហកម្មរបស់តារា Pop Idol ដ៏ពេញនិយមមួយរូប ហើយរឿងសហការផលិតដោយ The Weeknd និងអ្នកដឹកនាំរឿង Sam Levinson ដែលដឹកនាំរឿងទូរទស្សន៍ HBO ។

ជាពិសេសរឿងនេះ ទាក់ទាញការចាប់អារម្មណ៍ខ្លាំង ព្រោះជារឿងក្រៅប្រទេសលើកដំបូងរបស់ Jennie និងតារាលំដាប់ពិភពលោកដូចជា Lily Rose Depp , Able Tespay និង Troye Sivan សម្តែងរួមគ្នា ទន្ទឹមនឹងនោះរឿង ‘The Idol’ គឺជាការបង្ហាញខ្លួន Jennie លើកដំបូងនាមជាតារាសម្តែងរបស់នាង ។

យ៉ាងណាមិញ Jennie បច្ចុប្បន្នកំពុងមមាញឹកការប្រគំតន្ត្រី ទេសចរណ៍ពិភពលោកដ៏ធំបំផុតរបស់ក្រុម BLACK PINK លើសពីនេះទៀតនាងក៏ត្រៀមខ្លួនសម្តែងក្នុងប្រគំតន្ត្រី Coachella Valley Music and Arts Festival’ នៅសហរដ្ឋអាមេរិកក្នុងខែមេសា និង ‘Hyde Park British Summertime Festival’ នៅចក្រភពអង់គ្លេសក្នុងខែកក្កដាផងដែរ ៕

ប្រែសម្រួល៖នាងតូច

ចុចអាន៖Taylor Swift ពាក់គ្រឿងអលង្ការតម្លៃ ៣ លាន ដុល្លារ ចូលរួមកម្មវិធី Grammys