ជីវិតកម្សាន្ដ

តារាប្រុសម្នាក់ ធ្វើអត្តឃាតសម្លាប់ខ្លួនទាំងវ័យក្មេង ដោយសារជំងឺផ្លូវចិត្តធ្ងន់ធ្ងរ

បានផុស

៣ years មុន

នៅ

ថ្ងៃចន្ទ ២៧ កុម្ភៈ ២០២៣

ដោយ

តារាសម្ដែងប្រុសវ័យក្មេងរូបសង្ហាដែលត្រូវគេស្គាល់ឈ្មោះលោក ផេង ចាន់ដារ៉ា បានសម្រេចចិត្តធ្វើអត្តឃាតបញ្ចប់ជីវិតខ្លួនឯងទាំងវ័យក្មេងដោយសារជំងឺផ្លូវចិត្តធ្ងន់ធ្ងរ និងការលះបង់នូវភាពស្មោះ ត្រង់ទៅលើមនុស្សម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពីតារាសម្ដែងប្រុសលោក អ៊ឹម ជីវ៉ា បានបញ្ជាក់ឲ្យដឹងកាលពីយប់មិញដោយក្ដីរន្ធត់ភ្ជាប់ជាមួយរូបភាពថា មិនគួរឲ្យជឿពេលបងបើក Facebook ភ្លាម គឺមានអារម្មណ៍ថាស្លុតចិត្ត ប្អូនក៏ជាសិល្បករមួយរូប ប្អូនមិនគួរគិតខ្លីបែបនេះ ដើម្បីមនុស្សម្នាក់ប្អូនហ៊ានលះបង់ស្មោះរហូតបាត់បង់ជីវិតខ្លួនឯង។ ហ៊ឺ..និយាយមិនចេញ សូមជូនពរប្អូនជាតិក្រោយជួបមនុស្សស្មោះស្រលាញ់គ្នាដល់ចាស់កោងខ្នងកុំឲ្យជួបស្នេហាដូចជាតិនេះ។

ដោយឡែកបើតាមប្រភពពីអ្នកដែលស្និទ្ធស្នាលបានលើកឡើងដែរថា អាណិត ផេង ចាន់ដារ៉ា ណាស់ លះបង់ក្រុមគ្រួសារដើម្បីមនុស្សដែលខ្លួនស្រលាញ់ ចុងក្រោយវាបានល្បី វាលែងខ្វល់ខ្វាយ ទោះស្លាប់ក៏វាមិនកើតទុក្ខដែរ ថែមទាំងលុបរូបក្នុងហ្វេសប៊ុក ផេង ចាន់ដារ៉ា អស់គ្មានសល់។

ចំណែកនៅលើទំព័រហ្វេសប៊ុកឈ្មោះ sokkhim ក៏បានបង្ហោះពីដំណឹងមរណទុក្ខ និងការសោកស្ដាយដែរថា សូមចូលរួមរំលែកទុក្ខដ៏សែនក្រៀមក្រំចំពោះក្រុមគ្រួសារសពអតីតនិស្សិតមហាវិទ្យាល័យស្ថាបត្យកម្មជំនាន់ទី ២៩ នៃសាកលវិទ្យាល័យភូមិន្ទវិចិត្រសិល្បៈឈ្មោះ ផេង ចាន់ដារ៉ា កាលប្រឡងបញ្ចប់បាននិទ្ទេស B+ ដោយសារជំងឺផ្លូវចិត្តធ្ងន់ធ្ងរទើបបានជាគាត់ធ្វើអត្តឃាតខ្លួនឯងនៅថ្ងៃទី ២៦ ខែកុម្ភៈ ឆ្នាំ ២០២៣ ដោយចង.ក។

ប្រភពបន្តទៀតថា អ្វីដែលគួរឲ្យសោកស្ដាយបំផុតគឺសល់ពេលមិនប៉ុន្មានខែខាងមុខនេះ និស្សិតនឹងត្រូវទទួលសញ្ញាបត្រជាផ្លូវការហើយ។ សូមបងបានទៅកាន់ទីបរមសុខជារៀងរហូត។ ពិតជាសោកស្ដាយ និងតក់ស្លុតជាខ្លាំង បើមានជាតិក្រោយ សូមសិក្សាឲ្យបានចប់ចុងចប់ដើម និងបានបន្តការងារល្អក្នុងជីវិត៕

អត្ថបទ ៖ ចាន់រ៉ា