រូបភាព Nadech ជិះម៉ូតូតាមដងផ្លូវ ត្រូវទស្សនិកជនពោលសរសើរ សឹងពេញប្រទេស

បណ្ដាញសង្គមថៃ កំពុងបន្តចែករំលែករូបភាពតារាសម្ដែង Nadech Kugimiya យ៉ាងផុសផុល ក្រោយគេប្រទះឃើញរូបលោកជិះម៉ូតូតាមដងផ្លូវយ៉ាងសាមញ្ញ មិនប្រកាន់ខ្លួនជាតារាល្បីលំដាប់ប្រទេស។

សកម្មភាពរបស់ Nadech កំពុងត្រូវបានមហាជនពោលសរសើរសឹងពេញប្រទេស បន្ទាប់រូបថតជិះម៉ូតូរបស់លោក បានបង្ហោះនៅលើអ៊ីនធឺរណិត។ គ្រប់គ្នាបានលើកឡើងពីភាពសាមញ្ញរបស់ Nadech ដែលលោកពិតជាប្រើជីវិតឯកជនធម្មតាៗ មិនហាយសូរ និងមិនសម្ញែងទ្រព្យបង្អួតនរណាឡើយ បើទោះជាខ្លួនមានប្រាក់រាប់លានដុល្លារនៅក្នុងដៃ។

បន្ថែមពីលើពាក្យសរសើរលើទង្វើរបស់តារាប្រុសវ័យ ៣១ឆ្នាំរូបនេះ អ្នកគាំទ្រ និងសាធារណជនទូទៅក៏មិនភ្លេចឆ្លៀតបញ្ចេញមតិសរសើរពីសម្រស់របស់លោកផងដែរថា Nadech ពិតជា​គួរ​ឱ្យ​ស្រឡាញ់ ​និងស្រស់​សង្ហា ​ទោះបីជិះម៉ូតូធម្មតា នៅតែទាក់ទាញមិនចាញ់ឃើញតាមអេក្រង់ទូរទស្សន៍នោះទេ៕

ប្រែសម្រួល៖ សន្យា

ចុចអាន៖ ឆ្នាំ២០២៣ តារាប្រុស Nadech Kugimiya មានទ្រព្យសម្បត្តិប៉ុន្មានក្នុងដៃ?

ចុចអាន៖ រូបរាងរបស់ ​Janie កំពុងរងការរិះគន់ថា ដូចមនុស្សទាស់សរសៃ