លោក សុះ ម៉ាច៖ សិល្បៈវប្បធម៌ជាព្រលឹងរបស់ជាតិ ត្រូវតែនាំគ្នាថែរក្សា និងជ្រោងឱ្យថ្កុំថ្កើង

អតតីប្រធានសមាគមសិល្បករខ្មែរ និងជាតារាចម្រៀងជើងចាស់ដ៏មានប្រជាប្រិយភាពលោក សុះ ម៉ាច បានថ្លែងដោយចាត់ទុកថា សិល្ប:វប្បធម៌ជាព្រលឹងរបស់ជាតិ។ ក្នុងនោះលោកក៏ធ្វើការដោយបំផុសនូវគំនិតកូនខ្មែរគ្រប់រូបឲ្យមានការចូលរួមអភិរក្ស និងថែរក្សាសិល្ប:វប្បធម៌ជាតិឲ្យបានឱ្យថ្កុំថ្កើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងសំនៀងមនោសញ្ជេតនាលោក សុះ ម៉ាច បានប្រាប់ កម្ពុជាថ្មី ឲ្យដឹងថា ទោះបីលោកមិនបានទទួលការលើកទឹកចិត្តជាដុំកំភួនជួនពេលខ្លះត្រូវគេលាបពណ៌ ត្រូវគេវាយប្រហារពីសំណាក់ជាតិសាសន៍ឯង និងសាសន៍ដទៃដែលមិនយល់ពីន័យពិតដែលោកតែងបានសរសេរកន្លងមកលោកនៅតែសប្បាយត្រេកអរ និងបន្តធ្វើអ្វីដែលជាប្រយោជន៍​សម្រាប់ជាតិខ្មែរដែលលោកមានវាសនាបានកើតលើដីសុវណ្ណភូមិដ៏ប្រសិទ្ធមួយនេះ ព្រោះមហាជនជាច្រើនបានផ្តល់កម្លាំងចិត្តដល់លោកផងដែរ។

លោក សុះ ម៉ាច បន្តថា “ឪពុកខ្ញុំបានធ្វើជាគំរូសម្រាប់ខ្ញុំតែគួរឲ្យសោកស្តាយណាស់ខ្ញុំគ្មានវាសនាធ្វើជាមន្ត្រីបម្រើរាស្រ្តដោយផ្ទាល់”។ ដូច្នេះរស់នៅជាមួយការពិតជាមួយភាពស្មោះត្រង់ជាមួយភាពឈឺឆ្អាលជាមួយមនសិការស្រឡាញ់ជាតិទឹកដីនិងវប្បធម៌។ លោក សុះ ម៉ាច អំពាវនាវបន្ថែមថា “សិល្ប:វប្បធម៌ជាព្រលឹងរបស់ជាតិ ត្រូវតែនាំគ្នាថែរក្សា និងជ្រោងឱ្យថ្កុំថ្កើង”។

គួររម្លឹកថា តារាចម្រៀងល្បីឈ្មោះលោក សុះ ម៉ាច កាលពីថ្មីៗកន្លងទៅនៅលើបណ្តាញសង្គមហ្វេសប៊ុករបស់លោកក៏បានធ្វើការសរសេរបង្ហោះនូវខ្លឹមសារមួយចំនួនជុំវិញករណីដែលថៃបានជួលគ្រូរបាំ និងគ្រូឧបករណ៍ភ្លេងបុរាណ (ទ្រ) ខ្មែរទៅបង្ហាត់នៅសាលាថៃ និងចេញមុខអំពាវនាវដើម្បីឲ្យកូនខ្មែរប្រុងប្រយ័ត្នផងដែរ៕

អត្ថបទ៖ ចាន់រ៉ា