Britney Spears ដើរលេងជាមួយបុរសម្នាក់ ក្រោយធ្លាយចចាមអារ៉ាមលែងលះស្វាមី

តារាចម្រៀង Britney Spears ត្រូវគេប្រទះឃើញដើរលេងជាមួយបុរសមិនស្គាល់អត្តសញ្ញាណម្នាក់នៅប្រទេស ព័រតូរីកូ ក្រោយពីប៉ុន្មានថ្ងៃបន្ទាប់មានពាក្យចចាមអារ៉ាមលែងលះជាមួយស្វាមីវ័យក្មេង។

នៅក្នុងរូបភាពដែលគេហទំព័រ​ Page Six ទម្លាយរូបភាពរបស់ Britney Spears ត្រូវគេថតក្នុងហាង Star bucks នៅទីក្រុង Dorado ។ នាងបានស្លៀករ៉ូបបិទស្មាពណ៌ខ្មៅ ហើយហាក់ដូចជាកំពុងបើកមើលម៉ឺនុយក្បែរបុរសចម្លែកម្នាក់ ។

ប៉ុន្មានថ្ងៃមុននេះតារាចម្រៀង Britney Spears ត្រូវគេថតនៅអាកាសយានដ្ឋាន Los Angeles (សហរដ្ឋអាមេរិក) ជាមួយអ្នកគ្រប់គ្រងរបស់នាង ដោយមិនបានពាក់ចិញ្ចៀនអាពាហ៍ពិពាហ៍។ ជាពិសេស Sam Asghari ដែលជាប្តីរបស់នាងក៏ត្រូវបានគេមើលឃើញថាមិនមានចិញ្ចៀន ដែលបង្កឱ្យមានពាក្យចចាមអារ៉ាមអំពីបញ្ហាអាពាហ៍ពិពាហ៍អ្នកទាំងពីរ ។

យ៉ាងណាមិញ អ្នកគ្រប់គ្រងរបស់ Sam Asghari បានបញ្ជាក់ប្រាប់គេហទំព័រ Page Six ថាគូស្នេហ៍ មួយគូនេះ មិនមានការប្រេះឆាក្នុងអាពាហ៍ពិពាហ៍របស់ពួកគេឡើយ ដោយសារតែ Sam Asghari បានដោះចិញ្ចៀនរៀបការចេញ ព្រោះលោកស្ថិតក្នុងដំណើរការថតរឿង នេះក៏ជាហេតុផលដែលលោកមិនបានចូលរួមដំណើលកម្សាន្តវិស្សមកាលជាមួយ Britney Spearsផងដែរ ៕

ប្រែសម្រួល៖នាងតូច

ចុចអាន៖ផលិតកម្មបញ្ជាក់ថា Lim Ji Yeon និង Lee Do Hyun ពិតជាមានទំនាក់ទំនងស្នេហាមែន