អ្នកបង្កើតមាតិកាចិន Li Ziqi រកចំណូលបានខ្ទង់លានដុល្លារ ទោះផ្អាកបង្ហោះវីដេអូថ្មី

បើទោះជាផ្អាកការបង្ហោះវីដេអូថ្មីជាបណ្ដោះអាសន្នក៏ដោយ អ្នកបង្កើតមាតិកាចិនដ៏ល្បីឈ្មោះ Li Ziqi នៅតែទទួលបានប្រាក់ច្រើនជាង ១០០,០០០ ដុល្លារក្នុងមួយខែ ដោយសារវីដេអូចាស់ៗនៅលើ YouTube របស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងទៅតាមគេហទំព័រ QQ បានរាយការណ៍អំពីស្ថានភាពហិរញ្ញវត្ថុរបស់ Li Ziqi បន្ទាប់ពីការបិទអស់រយៈពេលជាង ២ ឆ្នាំ ទោះបីជានាងលែងចេញវីដេអូថ្មីៗក៏ដោយ នាងនៅតែរកលុយបានច្រើនជារៀងរាល់ខែពី YouTube ។ វីដេអូនៅក្នុងគណនី YouTube នាងមានមានអ្នកតាមដាន ១៧ លាន នាក់ និងអ្នកមើល ២.៩២ ពាន់លានអ្នកដែលជួយឲ្យ Li Ziqi ទទួលបានប្រាក់ជាមធ្យម ៧៨៥,០០០ យន់ (១១៤,០០០ ដុល្លារ) ក្នុងមួយខែ។ ចំនួននេះត្រូវបានគណនាដោយផ្អែកលើការពិនិត្យមើល វីដេអូចាស់របស់នាងចំនួន ១២៨ ។

ជាមួយគ្នានេះសារព័ត៌មាន iFeng បានចុះផ្សាយឲ្យដឹងថា Li Ziqi នោះគឺជាអ្នកបង្កើតមាតិកាដែលមានជាងគេបំផុតរបស់ប្រទេសចិននាងអាចរកចំណូលបានពី ២១០,០០០ទៅ ៣៨០,០០០ ដុល្លារ សម្រាប់វីដេអូមួយ។ យោងតាមស្ថិតិ ប្រាក់ចំណូលប្រចាំឆ្នាំជាមធ្យមរបស់នាងធ្លាក់ចន្លោះពី ៧ ទៅ ៨ លានដុល្លារ ។

គូររម្លឹកដែលថា កាលពីខែ សីហា ឆ្នាំ ២០២១ អ្នកបង្កើតមាតិកាដ៏ល្បីឈ្មោះ Li Ziqi បានប្រកាសថា នាងនឹងឈប់ផលិតវីដេអូ ដោយសារមានបញ្ហាជាមួយអ្នកចូលហ៊ុនដែលបើកសិប្បកម្មផលិតមីរកស៊ីជាមួយគ្នា ព្រោះតែចម្រូងចម្រា សលើការបែងចែកភាគលាភ។ ជាពិសេសក្រុមប៉ូលិសរឹតបន្តឹង ការបង្ហោះវីដេអូរបស់នាង ព្រមទាំងតែងតែរំខានដល់ដំណើរការផលិតវីដេអូថែមទៀតផងពោលគឺ ខាងអាជ្ញាធរចិនមិនគាំទ្រនាងឱ្យផលិតវីដេអូថ្មីនោះទេ ៕

ប្រែសម្រួល៖នាងតូច

ចុចអាន៖តារាកំប្លែង Eric Tsang ថា រាល់ថ្ងៃលោកគេងត្រឹមតែ ៣ ម៉ោងប៉ុណ្ណោះ