ព័ត៌មានអន្ដរជាតិ
YouTubers កូរ៉េខាងត្បូង រកចំណូលបានច្រើនខ្លាំងពីវិបត្តិនយោបាយ
YouTubers នយោបាយនៅកូរ៉េខាងត្បូង រកចំណូលបានយ៉ាងច្រើនពីភាពចលាចលនយោបាយដែលបានបន្តអស់រយៈពេលជាង១០០ថ្ងៃ ចាប់តាំងពីការប្រកាសច្បាប់អាជ្ញាសឹកថ្ងៃទី៣ខែធ្នូ របស់ប្រធានាធិបតី Yoon Suk Yeol។ នេះបើយោងតាមការចេញផ្សាយរបស់ The korea Times។

យោងតាមគេហទំព័រ YouTube analytics platform Playboard កាលពីថ្ងៃអាទិត្យបានឲ្យដឹងថា @tubeshin ដែលជាឆាណែលយោបាយអភិរក្សនិយមដែលមានអ្នកជាវ ១.៦២ លាននាក់ រកចំណូលបានប្រហែល ៣១០ លានវ៉ុន (២១១៤៧៧ដុល្លារ) នៅចន្លោះខែធ្នូ និងខែកុម្ភៈ ដោយឈរនៅលើកំពូល Channel YouTube របស់កូរ៉េខាងត្បូងដែលរកបានចំណូលច្រើនជាងគេក្នុងចំណូលរបស់ Super Chat។
នៅក្នុងខែមករា នៅពេលដែលលោក Yoon ត្រូវបានចាប់ខ្លួន @tubeshin ដែលតែងតែបង្ហោះវីដេអូនៅជិតលំនៅដ្ឋានប្រធានាធិបតីនៅទីក្រុង Hannam-dong រកបានប្រហែល ១៦០ លានវ៉ុន (១០៩០០៨ដុលា្លរ) តាមរយៈ Super Chat ពីអ្នកគាំទ្រលោក Yoon ។
ឆានែលដែលគ្រប់គ្រងដោយអ្នកអត្ថាធិប្បាយឆ្វេងនិយមលោក Kim Ou-joon @gyeomsonisnothing ក៏រកបានប្រហែល ២៤០ លានវ៉ុន (១៦៣៥៦០ ដុលា្លរ) ក្នុងអំឡុងពេលដូចគ្នា បន្ទាប់មកតាមពីក្រោយដោយឆានែល@groundc រកបាន១៤០លានវ៉ុន (៩៥៣៨២ ដុលា្លរ) និងឆានែល @hongtv ដែលមានប្រហែល១៣០លានវ៉ុន (៨៨៥៩៥ ដុល្លារ) រួមទាំងមានឆានែលដែលផុសពីនយោបាយផ្សេងៗទៀតរកចំណូលបានច្រើនចាប់ពី៥០លានវ៉ុនផងដែរ។

គួរបញ្ជាក់ថាវាកម្រណាស់ដែល YouTubers របស់កូរ៉េខាងត្បូងដែលផ្សាយបន្តផ្ទាល់ពីការតវ៉ា និងការវិវឌ្ឍន៍ផ្លូវច្បាប់រកប្រាក់រកបានច្រើនជាង ១០០លានវ៉ុនក្នុងមួយខែ ពីសាធារណជនដែលចាប់អារម្មណ៍លើវិបត្តិនយោបាយ។
ទោះយ៉ាងណាយោងតាមលោក Yoo Hyun-jae សាស្ត្រាចារ្យផ្នែកទំនាក់ទំនងប្រព័ន្ធផ្សព្វផ្សាយនៅសកលវិទ្យាល័យ Sogang បានសម្តែងការព្រួយបារម្ភថាអ្នកដែលចូលចិត្តការយកចិត្តទុកដាក់ និងចំណេញពីជម្លោះសង្គមអាចបន្តញុះញង់ឱ្យមានការស្អប់ខ្ពើម និងបង្កើនការប៉ះទង្គិចគ្នា៕


អត្ថបទ៖ ប៊ុន សុភាព

-
ព័ត៌មានជាតិ១ សប្តាហ៍ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៥ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៧ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៤ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៦ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៤ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សន្តិសុខសង្គម៦ ថ្ងៃ ago
ខ្យល់កន្ត្រាក់ និងរន្ទះបាញ់ កើតឡើងលើស្រុកចំនួនពីរក្នុងខេត្តបាត់ដំបង
-
ព័ត៌មានអន្ដរជាតិ២ ថ្ងៃ ago
ត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក