ជីវិតកម្សាន្ដ

Weir អាចនឹងនៅប៉ុស្តិ៍លេខ ៧ ដល់ ១០០ ឆ្នាំទៀត ហើយមិនដើរចេញពីទ្រនំចាស់ទេ

បានផុស

៣ years មុន

នៅ

ថ្ងៃព្រហស្បតិ៍ ៦ មេសា ២០២៣

ដោយ

បន្ទាប់ពីស្ងប់ស្ងាត់ពីអាជីពសិល្បៈមួយរយៈធំ ព្រោះតែទុកពេលមើលថែគ្រួសារ ពេលនេះតារាសម្ដែង Weir Sukonwat បានចេញមុខឆ្លើយតបច្បាស់ៗថា លោកនឹងបន្តកុងត្រានៅប៉ុស្តិ៍លេខ៧ ដល់១០០ឆ្នាំទៀត ហើយក៏មិនចាកចេញទៅណាឡើយ។

កាលពីថ្ងៃទី៥ ខែមីនា តារាប្រុសជួរមុខរូបនេះបានផ្ដល់បទសម្ភាសន៍ច្បាស់ៗ ក្រោយលេចឮចចាមអារ៉ាមលោកអាចនឹងដើរចេញប៉ុស្តិ៍លេខ៧ថា “មនុស្សជាច្រើនគិតថាខ្ញុំនៅជាប់គាំង។ ខ្ញុំកំពុងធ្វើការងាររបស់ខ្ញុំ ការងារដែលធ្វើឲ្យខ្ញុំសប្បាយចិត្តខ្លាំង ហើយទូរទស្សន៍តែមួយគត់ដែលនឹងបើកគឺប៉ុស្ដិ៍លេខ៧ ខ្ញុំតែងតែមានរឿងភាគកំពុងដំណើរការនិងកំពុងតែចាក់ផ្សាយនៅបរទេសគ្រប់ពេល។ ឥឡូវយើងមើលថាតើរឿងភាគដែលគួរឲ្យចាប់អារម្មណ៍។ តើជំពូកមួយណាដែលត្រូវសម្រាប់ខ្ញុំ ប៉ុន្តែខ្ញុំគិតថាវាមិនចាំយូរពេកទេ? ខ្ញុំនៅទីនេះឥឡូវនេះ មិនទៅណាទេ”!

យ៉ាងណាមិញ ក្រោយបញ្ចប់ការសម្ភាសន៍ ពីធីករ New Mustache ក៏និយាយចំអន់ Weir លេងថា លោកអាចនឹងនៅជាមួយប៉ុស្តិ៍លេខ៧ ដល់ ១០០ឆ្នាំទៀតមិនខាន ព្រោះតារាប្រុសរូបនេះស្នេហាទ្រនំចាស់ខ្លាំង មិនខុសពីតារាផ្សេងៗទេ។

គួរបញ្ចាក់ថា តារាប្រុស Weir Sukonwat ធ្លាប់និយាយថា លោកមិនទទួលយកការងារសម្តែងរឿងទៀតទេ ហើយសុំផ្តោតលើគ្រួសារដោយការមើលថែកូនដំបូងនិងភរិយា ក្នុងនាមជាមេគ្រួសារ។ ទោះយ៉ាងណា ក្រោយបាត់មុខពីវិថីសិល្បៈមួយរយៈធំទស្សនិកជនហាក់មានក្ដីនឹករលឹកដល់តួឯកប្រុសក្នុងរឿង “ពេជ្រកាត់ពេជ្រ” ជាខ្លាំងហើយជាពិសេសនោះគឺលេចឮថាលោកជិតផុតកុងត្រាជាមួយប៉ុស្តិ៍លេខ៧ថែមទៀតផង៕