មានពាក្យចចាមអារ៉ាម Kylie Jenner លួចទាក់ទងគ្នាជាមួយ Timothée Chalamet

មហាសេដ្ឋីវ័យកេ្មងKylie Jenner និងជាម្ចាស់គ្រឿងសម្អាង Kylie Cosmetics បានជាប់ពាក់ព័ន្ធ ពាក្យចចាមអារ៉ាមស្នេហាជាមួយតារាសម្តែង Timothée Chalamet វ័យ ២៧ ឆ្នាំដែលដំណឹងនេះបាន ធ្វើឲ្យអ្នកគាំទ្រជាច្រើនភ្ញាក់ផ្អើល ។

យោងទៅតាមសារព័ត៌មាន Cosmopolitan បានរាយការណ៍កាលពីថ្ងៃទី៧ ខែមេសាថាបណ្តាញ ទំនាក់ទំនងសង្គមកំពុងមានការភ្ញាក់ផ្អើលអំពីទំនាក់ទំនងស្នេហារវាង Timothée Chalamet និង Kylie Jenner ដោយបានចាប់ផ្តើមជាមួយនឹងការបង្ហោះនៅលើគេហទំព័រ DeuxMoi ដែលបង្ហាញពីគូស្នេហ៍ដ៏ល្បីមួយគូនេះ ។

ទន្ទឹមនឹងនោះក៏មានសារធាណជនជាច្រើនជឿជាក់លើការបង្ហោះនេះថាជាការពិត ហើយប្រភពមួយថែមទាំងបាននិយាយទៀតថា អ្នកទាំងពីរនឹងចូលរួមក្នុងពិធីបុណ្យតន្ត្រី Coachella នៅសប្តាហ៍ក្រោយ។ បច្ចុប្បន្នតារាទាំងពីរនៅមិនទាន់និយាយនៅឡើយទេចំពោះមានពាក្យចចាមអារ៉ាមមួយនេះ ទោះជាយ៉ាងណាក៏ដោយ មនុស្សជាច្រើនគិតថា Timothee ណាត់ជួប Kylie គឺអាចទៅរួចទាំងស្រុង ព្រោះមុននោះលោកសម្ដែងរឿង Call me by your name ត្រូវបានគេប្រទះឃើញញ៉ាំអាហារ ពេលល្ងាចជាមួយ Kylie និងមិត្តភ័ក្ដិ ។

យ៉ាងណាមិញ ពាក្យចចាមអារ៉ាមទាក់ទងនឹង Timothée Chalamet និង Kylie Jenner បានក្លាយជាប្រធានបទនៃការពិភាក្សានៅលើបណ្តាញទំនាក់ទំនងសង្គម។ មនុស្ស​ជា​ច្រើន​មាន​ការ​ភ្ញាក់​ផ្អើល អ្នក​ផ្សេង​ទៀត​សម្ដែង​ការ​មិន​ពេញ​ចិត្ត ៕

ប្រែសម្រួល៖នាងតូច

ចុចអាន៖Brooke Shields រៀបរាប់រឿងកូនប្រុសប្រធានាធិបតីអាមេរិកទី ៣៥ ឈប់និយាយរកព្រោះមិនព្រមគេងជាមួយ