Brooke Shields រៀបរាប់រឿងកូនប្រុសប្រធានាធិបតីអាមេរិកទី ៣៥ ឈប់និយាយរកព្រោះមិនព្រមគេងជាមួយ

Brooke Shields ជាស្ត្រីពោរពេញដោយមន្តស្នេហ៍និងសម្រស់ស្រស់សោភានៅហូលីវូដជំនាន់មុន អ្នកស្រីធ្លាប់តារាល្បីៗជាច្រើនបេតីដូចជា Liam Neeson, Michael Jackson, John Travolta, និងកូនប្រុស John F. Kennedy ជាដើម ។

ក្នុងកិច្ចសម្ភាសន៍ជាមួយ Howard Stern អ្នកស្រីទម្លាយថា JFK Jr. បានផ្ដល់ស្នាមថើបដ៏ល្អឥតខ្ចោះសម្រាប់ឆាកជីវិតរបស់គាត់ ប៉ុន្តែអ្នកស្រីមិនព្រមរួមមេត្រីជាមួយឡើយព្រោះភ័យខ្លាចគេទៅចោល ។ តារាស្រីវ័យ ៥៧ ឆ្នាំរូបនេះរំលឹកថាកាលពីសតវត្សឆ្នាំ ១៩៨០ អ្នកទាំងពីរបានជួនគ្នានៅ Aspen រដ្ឋខូឡូរ៉ាដូ ពេល JFK Jr. ទៅដើរកម្សាន្តជាមួយគ្រួសារ ។

លោក JFK Jr. ចាប់អារម្មណ៍អ្នកស្រីដោយសារសម្រស់របស់គាត់ ពួកគេបានចំណាយពេលជុំគ្រួសារនៅបារមួយកន្លែងក្នុងតំបន់ ។ មួយសន្ទុះក្រោយ JFK Jr. ក៏បបួល Sheilds ចេញក្រៅគេចពីករណីវាយគ្នាក្នុងបារ ថែមទាំងអោបថើបនាងរហូតភ្លេចមិនបានមួយជីវិតទៀតផង ។

តួស្រី Pretty Baby ខាងលើបាននិយាយថានាងស្រលាញ់ JFK Jr. តាំងពីខ្លួនមានអាយុ ៣ ឆ្នាំឯណោះ សូម្បីម្ដាយនាងក៏និយាយដែរថាលោកគឺជាបុរសដែល Shields នឹងរៀបការជាមួយ ។ ចំណែក JFK Jr. វិញប្រហែលជាមិនធ្លាប់ត្រូវស្រីៗបដិសេធ ដូច្នេះលោកឲ្យ Shields ជិះតាក់ស៊ីទៅផ្ទះដោយខ្លួនឯងយ៉ាងដាច់ចិត្តបំផុត ។ លុះថ្ងៃបន្ទាប់ JFK Jr. បានបង្ហាញចរិតពិតដាក់អ្នកស្រីមែន គឺគាត់ធ្វើមិនស្គាល់គ្នាតែម្ដង ។

ដោយឡែកក្នុងឆ្នាំ ១៩៩៩ លោក JFK Jr. បានជួបគ្រោះថ្នាក់ធ្លាក់យន្តហោះហើយបាត់បង់ជីវិតជាមួយភរិយារបស់គាត់គឺអ្នកស្រី Carolyn Bessette-Kennedy និងប្អូនស្រីយ៉ាងអាណោចអាធ័ម ៕

ប្រែសម្រួល ៖ វារី

ចុចអាន ៖ Brooke Shields ទម្លាយរឿងត្រូវគេរំលោភ បន្ទាប់ពីលាក់អស់រយៈពេលជាង ៣ ទសវត្សរ៍