ជីវិតកម្សាន្ដ

តារាចម្រៀង វង្ស ថាណាន់ បាត់បង់ចំណូលខ្ទង់ម៉ឺនដុល្លារ ខណៈអាការបានប្រសើរចេញពីពេទ្យ

បានផុស

១ year មុន

នៅ

ថ្ងៃអាទិត្យ ២៨ ឧសភា ២០២៣

ដោយ

បន្ទាប់ពីចូលសម្រាកនៅមន្ទីរពេទ្យជិតមួយសប្តាហ៍តារាចម្រៀងលោក វង្ស ថាណាន់ បានបញ្ជាក់ប្រាប់ឲ្យដឹងមុននេះបន្តិចថា ពេលនេះអាការជំងឺរបស់លោកបានធូរស្រាលច្រើនហើយ និងត្រូវបានគ្រូពេទ្យអនុញ្ញាតឲ្យវិលត្រឡប់ទៅផ្ទះវិញ កាលពីរសៀលថ្ងៃទី២៧ ខែ ឧសភា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក វង្ស ថាណាន់ បាននិយាយថា ចំពោះស្ថានភាពជំងឺរបស់លោកពេលនេះគឺមានសភាពកាន់តែប្រសើរឡើងវិញហើយ។ លោកបាននិយាយថា “ថ្ងៃនេះខ្ញុំអាចចេញទៅផ្ទះវិញហើយសូមអគុណពុកម៉ែបងប្អូនខ្លាំងណាស់ ដែលស្រលាញ់នឹងបារម្ភសួរសុខទុក្ខខ្ញុំបាទអរគុណ”។

លោក ថាណាន់ បានជួបហេតុការណ៍គ្រោះថ្នាក់ចរាចរណ៍កាលពីវេលាម៉ោង៤ទៀបភ្លឺថ្ងៃទី២១ខែឧសភាឆ្នាំ២០២៣ នៅម្ដុំគីឡូម៉ែត្រលេខ១៦ ផ្សារព្រែកព្នៅ បណ្តាលឲ្យបាក់ឆ្អឹងភ្លៅធ្ងន់ធ្ងរអំឡុងពេលលោកបើកឡានចេញពីច្រៀងក្នុងកម្មវិធីប្រគំន្ដ្រីមួយនៅខេត្តហើយឆ្ពោះមករាជធានីភ្នំពេញវិញ។

ដោយឡែកបើតាមរយ:បទសម្ភាសន៍ជាមួយសារព័ត៌មានក្នុងស្រុកមួយតារាចម្រៀងលោក វង្ស ថាណាន់ បានលើកឡើងថា លោកបានបាត់បង់ចំណូលខ្ទង់ម៉ឺនដុល្លារ បន្ទាប់ពីជួបគ្រោះថ្នាក់ចរាចរណ៍កាលពីពេលថ្មីៗនេះ ខណៈដែលលោកពិតជាមានការសោស្តាយយ៉ាងខ្លាំងក្នុងពេលដែលលោកជួបគ្រោះស្របពេលការងារកំពុងបុកមកខ្លាំង។

ម្ចាស់បទ«ស្នេហ៍ក្រៅផ្លូវការ»លោកវង្ស ថាណាន់ បានបញ្ជាក់ថា ក្រោយជួបហេតុកាណ៍នេះកើតឡើងលោកបានលុបចោលកម្មវិធីទាំងអស់ ដែលលោកទទួលទាំងការសម្តែងតាមខេត្តនិងនៅរាជធានីភ្នំពេញ ដោយសារតែលោកត្រូវប្រើពេលមួយរយៈធំសម្រាប់ការព្យាបាល របួសបាក់ភ្លៅ៕ អត្ថបទ៖ ចាន់រ៉ា