អ្នកគាំទ្រត្រេកអរខ្លាំង ក្រោយឃើញគូស្នេហ៍ Yaya-Nadech បញ្ចេញរូបឱបគ្នាកណ្ដាលសមុទ្រ

មួយរយៈនេះមហាជនជាច្រើនសង្កេតឃើញគូស្នេហ៍ Yaya-Nadech ហាក់​បញ្ចេញ​នៅរូបភាព​ផ្អែមល្ហែម​ច្រើន​សន្លឹកពីទឹកដីនៃប្រទេសអ៊ីតាលី រហូតថ្មីនេះៗពួកគេបង្អួតរូបភាពគូឱប​គ្នាកណ្ដាល​សមុទ្រ។

រូបភាពផ្អែមល្ហែមរបស់តារាសម្ដែង Nadech-Yaya ក្នុងដំណើរ​កម្សាន្ត​លើកនេះ កាន់តែផ្អែមល្ហែម​ខ្លាំង​លើសមុន​ទៀតបន្ទាប់ពីប៉ុន្មានសន្លឹកចុងក្រោយ ដែលអ្នកទាំងពីរបង្ហោះឱបគ្នា​កណ្ដាល​សមុទ្រ​ បង្ក​ឲ្យ​មាន​ភាព​ច្របូកច្របល់​ពី​បណ្ដា​អ្នកគាំទ្រ​ជាច្រើន។

មិនត្រឹមប៉ុណ្ណឹងតែផ្តោតលើភាពផ្អែមល្ហែមរបស់ពួកគេទេ ដោយសារតែភាពស៊ិចស៊ីរបស់ Yaya ក្នុងឈុតប៊ីគីនី និង Nadech ដែលបង្អួតសាច់ដុំ ដើមទ្រូងមូលក្លំ បានបញ្ចាក់ថា គូនេះស្រលាញ់គ្នាខ្លាំងនិងប្រាកដណាស់ថា អាចនឹងមានគម្រោងរៀបការឆាប់ៗមិនខានទេ។ ក្នុងនោះម្ដាយ Nadech ក៏បាន​បង្ហោះរូបភាពកូនប្រុសនិងកូនប្រសាស្រី ព្រម​ទាំង​សរសេរ​ Caption លេង​សើច​ថា “ស្ករកើនឡើងនៅក្នុងសមុទ្រ ស្រស់ស្រាយនៅថ្ងៃច័ន្ទ អរុណសួស្តីថ្ងៃច័ន្ទ “។

យ៉ាងណាមិញក្នុងដំណើរកម្សាន្តទៅកាន់ប្រទេសអ៊ីតាលីលើកនេះ​ គូស្នេហ៍ Nadech និង Yaya ទៅជាមួយក្រុម​មិត្តភ័ក្តិ​ជិតស្និត​ដូចជា Mak Prin-Kimberly និង Margie- Pok រហូតដល់មហាជនជាច្រើនសង្ឃឹមថា នឹងមាន ឈុត​សុំ​រៀបការ​របស់​គូស្នេហ៍មិនត្រឹមប៉ុណ្ណឹងទេ ថែមទៀតផង៕

ប្រែសម្រួល៖ សាង ស្រីល័ក្ខ

ចុចអាន៖Matt បង្ហោះរូបញ៉ាំបាយ តែមហាជនផ្ដោតលើមនុស្សប្រុសទៅជាមួយនាង