ជីវិតកម្សាន្ដ

បេក្ខនារីភេទទី ៣ ម្នាក់ ខឹងលទ្ធផលប្រកួត ស្ទុះទៅទាញសក់ក្លែងក្លាយអ្នកឈ្នះមកុដ

បានផុស

២ years មុន

នៅ

ថ្ងៃអង្គារ ២៧ មិថុនា ២០២៣

ដោយ

ឈុតឆាកនៃកម្មវិធី Miss Gay Venezuela 2023 បានក្លាយជាឃ្លិបដែលទស្សនិកជនជាច្រើនសម្រុករិះគន់លើប្រព័ន្ធផ្សព្វផ្សាយសង្គម ខណៈបេក្ខនារីភេទទី៣ម្នាក់ហក់ទៅទាញសក់អ្នកឈ្នះការប្រកួតលើឆាក ក្រោយគណៈកម្មការប្រកាសលទ្ធផល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍បញ្ចាក់ថា ក្នុងអំឡុងពេលនៃការប្រលងបវរកញ្ញា Miss Gay Venezuela 2023 បេក្ខនារីម្នាក់មិនពេញចិត្តនឹងលទ្ធផលដែលគេផ្ដល់ឲ្យ បន្ទាប់ពធីករប្រកាស ដោយនាងមិនអាចទប់កំហឹងបានក៏ស្ទុះទៅទាញសក់ក្លែងក្លាយរបស់អ្នកឈ្នះការប្រកួត ហើយដើរចុះពីលើឆាកដោយមិនបានងាកមកមើលវិញទេ។

មិនត្រឹមតែបេក្ខនារី គណៈកម្មការ និងទស្សនិកជនជុំវិញឆាកនោះទេ។ ប៉ុន្តែអ្នកលេងអ៊ីនធឺណិតដែលមើលតាមបណ្ដាញសង្គមពិតជាទប់ចិត្តមិនបានទេ និងមានការភ្ញាក់ផ្អើលសឹងតែនឹកស្មានមិនដល់នៅលើឆាកប្រកួតសម្រស់។ ទោះបីជាព្រឹត្តិការណ៍នេះមានរយៈពេលត្រឹមតែពីរបីវិនាទីក៏ដោយ។ ប៉ុន្តែឃ្លិបនេះនៅតែបន្តបង្ហោះនិងចែករំលែកតាមអ៊ីនធឺណិតព្រោងព្រាត រហូតក្លាយជាប្រធានបទដែលត្រូវបានគេនិយាយច្រើនក្នុងចំណោមអ្នកចូលចិត្តការប្រកួតសម្រស់។

លើសពីនេះទៀត អ្នកលេងអ៊ីនធឺណិតភាគច្រើនសម្ដែងការមិនពេញចិត្តនឹងអំពើអាក្រក់របស់នារីស្រស់ស្អាតដែលបង្កបញ្ហា ហើយអ្នកខ្លះនិយាយថាព្រឹត្តិការណ៍នេះ វាមើលទៅខឹងបែបកំប្លែងក្នុងពេលតែមួយទៅវិញ។

ទោះយ៉ាងណាក៏ដោយ នេះមិនមែនជាលើកទីមួយទេ ដែលបេក្ខនារីទាំងនោះបញ្ចេញអាកប្បកិរិយាហួសហេតុ ជាមួយគូប្រកួតក្នុងឱកាសនៃកិត្តិយស។ កាលពីលើកមុន ក្នុងកម្មវិធីប្រលងបវរកញ្ញា Gay Mato Grosso ក៏មានករណីដ៏កម្រមួយដែរ នៅពេលដែលស្វាមីរបស់បេក្ខជនដណ្តើមបានមកុដបវរកញ្ញា នៅពេលពេលដឹងថាភរិយាលោកមិនទទួលបានតំណែងអ្វីឡើយ៕