ជីវិតកម្សាន្ដ

ខាត់ សុឃីម៖ «ប្រវត្តិខ្ញុំធ្លាប់ក្រ ទើបសមិទ្ធផលខ្ញុំមានទោះតិចតួចក៏គិតថាអស្ចារ្យ»

បានផុស

៣ years មុន

នៅ

ថ្ងៃពុធ ១៩ កក្កដា ២០២៣

ដោយ

ក្រោយជោគជ័យក្នុងវិស័យសិល្បៈយូរឆ្នាំមកនេះ បើក្រឡេកទៅមើលពីជីវិតគូររបស់តារាស្រីពហុជំនាញ ខាត់ សុឃីម រហូតមកដល់ពេលបច្ចុប្បន្ន ហាក់កំពុងមានសុភមង្គលខ្លាំង ខណៈអ្នកនាង និងស្វាមីតែងតែបង្ហាញពីក្ដីស្រឡាញ់ និងភាពផ្អែមល្ហែមនៅក្នុងគ្រួសារ ដើម្បីធ្វើឱ្យជីវិតគូរកាន់តែមានន័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ បើនិយាយពីចំណងស្នេហារបស់តារាស្រី អ្នកនាង ខាត់ សុឃីម និងស្វាមី លោក អ៉ិន សុបញ្ញា ហៅ ផា ណូ បើគិតមកទល់បច្ចុប្បន្ន មានរយៈពេលប្រមាណ ១០ឆ្នាំមកហើយ។ មិនតែប៉ុណ្ណោះ អ្នកទាំងពីរ ថែមទាំងទទួលបានកូនម្នាក់ ដែលជាចំណងដៃអាពាហ៍ពិពាហ៍ផងដែរ។ លើសពីនេះ ជីវិតគូររបស់អ្នកទាំងពីរ គឺតែងទទួលបានការកោតសរសើរពីមហាជន និងអ្នកគាំទ្រគ្រប់គ្នា។

ដោយឡែក ស្របពេលដែលចំណងនៃសុភមង្គលស្នេហាគ្រួសាររបស់តារាស្រីអ្នកនាង ខាត់ សុឃីម និងស្វាមីកំពុងរស់នៅយ៉ាងមានក្តីសុខនេះ ស្រាប់តែ អ្នកនាងបានទម្លាយពីប្រវត្តិរបស់ខ្លួនថា ព្រោះតែអ្នកនាងធ្លាប់ជួបរឿងក្រ លំបាក ទើបនៅពេលដែលមានបានបន្តិចបន្តួចយល់ថាអស្ចារ្យ។

ន័យនេះ គេក៏មិនបានដឹងច្បាស់ដែរថា អ្នកនាង ខាត់ សុឃីម ចង់និយាយសំដៅលើបញ្ហាណាមួយ ឬសំដៅលើអ្វីទេបានជាសុខៗ អ្នកនាងចេញសារដូច្នេះ។

តារាពហុ ជំនាញត្រកូល ខាត់ អ្នកនាង សុឃីម បានបញ្ជាក់ថា «ប្រវត្តិខ្ញុំធ្លាប់ក្រ ទើបសមិទ្ធផលដែលខ្ញុំមាន ទោះតិចតួចក៏ខ្ញុំគិតថាអស្ចារ្យ បរិបទខ្សែជីវិតខុសៗគ្នា សូមរីករាយ និងទទួលយកការពិតនៃខ្លួនឯង»។

ជាមួយគ្នានេះ តារាស្រីអ្នកនាង ខាត់ សុឃីម ក៏បានការសរសើរពីមហាជនថា អ្នកនាងជាស្ត្រីម្នាក់ដែលរឹងមាំគ្រប់ជំនាន់ និងបំពេញតួនាទីបានក្នុងនាមជាម្ដាយល្អ ភរិយាល្អ សម្រាប់ក្រុមគ្រួសារយ៉ាងមានសេចក្ដីសុខសុភមង្គល៕

អត្ថបទ៖ ចាន់រ៉ា