ក្រោយជាពីជំងឺ Madonna ប្រកាសកាលវិភាគប្រគំតន្ត្រីសាជាថ្មី

តារាចម្រៀងជើងចាស់ Madonna ប្រកាសប្ដូរកាលវិភាគថ្មីសម្រាប់ការប្រគំតន្ត្រីលំដាប់ពិភពលោក ក្រោយជាពីជំងឺឆ្លងបាក់តេរីកម្រិតធ្ងន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រគំតន្ត្រី “The Celebration tour” នឹងប្រព្រឹត្តនៅថ្ងៃទី១៤ ខែតុលា ក្នុងទីក្រុង London ចក្រភពអង់គ្លេសវិញ ខណៈផែនការប្រគំនៅសហរដ្ឋអាមេរិកខ្លះត្រូវបានលុបចោល ឬពន្យាដល់ឆ្នាំ ២០២៤ ។

ដំបូងការប្រគំតន្ត្រីធ្វើឡើងដើម្បីអបអរខួបលើកទី ៤០ នៃការចេញចម្រៀងទោលដំបូងគឺ “Holiday” ។ ស្រាប់តែអ្នកគ្រប់គ្រងទម្លាយព័ត៌មានអំពីជំងឺដ៏ធ្ងន់របស់នាង បណ្ដាលឲ្យខកខានបាត់ទៅ ។ សំណាងល្អ Madonna ក៏ធូរស្បើយម្ដងទៀត ក្រោយទទួលបានការលើកទឹកចិត្តពីក្រុមគ្រួសារ ។

ការប្រគំតន្ត្រីនឹងចាប់ផ្តើមធ្វើនៅអឺរ៉ុបតាមការគ្រោងទុក Madonna នឹងធ្វើដំណើរទៅកាន់ប្រទេសបារាំង អ៊ីតាលី ដាណឺម៉ាក ព័រទុយហ្គាល់ និងអាល្លឺម៉ង់ មុនត្រលប់ទៅទីក្រុងឡុងដ៍វិញ ។

ដោយឡែកគេបានរំសាយកម្មវិធីនៅកន្លែងមួយចំនួនហើយ ដូចជា Tulsa, San Francisco, Phoenix និង Las Vegas ខណៈការកំណត់កាលវិភាគនៃការប្រគំតន្ត្រីឡើងវិញមានភាពស្មុគស្មាញបន្តិច ដោយសារទីក្រុងមួយចំនួនត្រូវការកន្លែងថ្មី ៕

ប្រែសម្រួល៖ វារី

ប្រភព៖ BBC

ចុចអាន៖ កូនស្រី Madonna ថតស្រាតផ្សាយពាណិជ្ជកម្មកាបូប