ជីវិតកម្សាន្ដ
ត្រឡប់មកម្ដងនេះ ចន សុទីម៉ា អភិវឌ្ឍន៍ខ្លួនយ៉ាងល្អ ទទួលបានការសាទរពីមហាជន
ឆ្លងកាត់ការប្រកួតយ៉ាងស្វិតស្វាញ និងវគ្គជម្រុះជាច្រើនខែកន្លងមកនោះ ទីបំផុតបានរកឃើញម្ចាស់មកុដបវរកញ្ញា Miss Universe Cambodia 2023 កាលពីរាត្រីថ្ងៃទី ០៧ ខែកញ្ញា ឆ្នាំ ២០២៣ ហើយ គឺបានទៅលើ កញ្ញា ចន សុទីម៉ា Miss Universe Cambodia តំណាងខេត្តកំពង់ចាម។

ភាពជោគជ័យនេះធ្វើឲ្យសាមីខ្លួន កញ្ញា ចន សុទីម៉ា សម្ដែងការរំភើបខ្លាំង បន្ទាប់ពីក្ដីបំណងរបស់នាងត្រូវបានសម្រេចជាថ្មីនៅក្នុងវិស័យបវរកញ្ញា ខណៈលះបង់ពេលវេលាជាច្រើនខែកន្លងមកនេះ។

ជាមួយជោគជ័យរបស់ ទីម៉ា នេះដែរ ក៏មានការចូលរួមអបអរសាទរពីសំណាក់មហាជន អ្នកគាំទ្រជាច្រើនចំពោះទេពកោសល្យ និងសមត្ថភាពម្ចាស់មកុដរូបនេះផងដែរ។

ជាក់ស្ដែងនៅលើគណនីហ្វេសប៊ុកមួយ បានបញ្ចេញចំណាប់អារម្មណ៍ទៅកាន់ ចន សុទីម៉ា បែបនេះថា «អបអរសាទរប្អូនស្រីដ៏ពូកែ John Sotima MUC កំពង់ចាម ពិតជាសក្ដិសមហើយ ទាំងសម្រស់ រូបរាង (1 81cm) ភាពឆ្លាតវៃ មិននឹកស្មានថាការវិលត្រឡប់មកម្ដងនេះ ទីម៉ា អភិវឌ្ឍន៍ខ្លួនបានល្អយ៉ាងនេះសោះ»។

ប្រភពបានលើកឡើងទៀតថា «បងចាំបាន ប្អូនធ្លាប់ប្រាប់បង បើប្អូនត្រឡប់មកម្ដងទៀត គឺ ប្អូនតែReady គ្រប់យ៉ាង ទើបត្រឡប់មកវិញ ហើយនៅទីបំផុតថ្ងៃនេះក៏បានមកដល់ ជាក្ដីសង្ឃឹមថ្មី កម្ពុជាយើងអាចស៊ូគេបានហើយ»។ ជាមួយនោះ ក៏មានការលើកទឹកចិត្តឲ្យ សុទី ម៉ា ត្រូវបន្តការខិតខំហ្វឹកហាត់បន្ថែម ដើម្បីប្រជែងយកជ័យជំនះនៅលើឆាកអន្តរជាតិនាឆាប់ៗ ខាងមុខ។

សូមបញ្ជាក់ថា កញ្ញា ចន សុទីម៉ា ក្រោយក្លាយជាម្ចាស់មកុដបវរកញ្ញាចក្រវាលកម្ពុជា (Miss Universe Cambodia 2023) នាងនឹងត្រូវត្រៀមខ្លួនបំពេញភារកិច្ចដោយតំណាងឲ្យប្រទេសកម្ពុជាក្នុងការប្រកួត Miss Universe លើកទី ៧២ នៅឯប្រទេស El Salvador នាខែវិច្ឆិកា ឆ្នាំ ២០២៣ ខាងមុខនេះ៕
អត្ថបទ ៖ ចាន់រ៉ា




-
សេចក្ដីជូនដំណឹង១ សប្តាហ៍ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម១៦ ម៉ោង ago
ច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
ព័ត៌មានជាតិ១ សប្តាហ៍ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ១ សប្តាហ៍ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
នយោបាយ៣ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ២ ថ្ងៃ ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានជាតិ១០ ម៉ោង ago
លោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន
-
ព័ត៌មានអន្ដរជាតិ៣ ថ្ងៃ ago
ថៃ កំពុងមានជម្លោះជាមួយអ្នកជិតខាង ជុំទិស