ជីវិតកម្សាន្ដ

YG បដិសេធពាក្យចចាមអារ៉ាម Lisa ច្រានចោលកុងត្រា៤០លានដុល្លារ ខណៈភាគហ៊ុនធ្លាក់ចុះខ្លាំង

បានផុស

២ សប្តាហ៍ មុន

នៅ

ថ្ងៃសុក្រ ១៥ កញ្ញា ២០២៣

ដោយ

ភ្នាក់ងាររបស់ផលិតកម្ម YG Entertainment បានចេញមុខបដិសេធចំពោះព័ត៌មានកំពុងតែក្ដៅគគុកដែលថា Lisa ច្រានចោលមិនបន្តកុងត្រា៤០លានដុល្លារ ខណៈពាក្យចចាមអារ៉ាមមួយនេះបានធ្វើឲ្យភាគហ៊ុនធ្លាក់ចុះដល់ទៅ ៩%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ សារព័ត៌មានកូរ៉េរាយការណ៍ថា Lisa សមាជិកក្រុម BLACKPINK បានច្រានចោលការផ្តល់ជូនរបស់ YG Entertainment ក្នុងពេលដែលផលិតកម្មចម្រៀងកូរ៉េធំមួយបានផ្តល់តម្លៃបន្តកុងត្រារហូតដល់ទៅ៤០លានដុល្លារឯណោះ។

ទោះយ៉ាងណាក៏ដោយ ក្រោយមក YG ស្រាប់តែចេញមុខបដិសេធពាក្យចចាមអារ៉ាមអំពីការមិនបន្តកុងត្រាជាមួយ Lisa សមាជិក BLACKPINK ហើយនៅតែបញ្ជាក់ថា បច្ចុប្បន្នកំពុងស្ថិតក្នុងដំណើរការពិភាក្សាបន្តកុងត្រាជាមួយ Lisa។ ជាមួយគ្នានេះ មិនទាន់មានការបញ្ជាក់ណាមួយទាក់ទងនឹងការបន្តកុងត្រារបស់សមាជិកផ្សេងទៀតក្នុងក្រុម Jisoo, Jennie និង Rose នោះទេ។

ក្រោយពីបញ្ហាក្ដៅគគុកនេះត្រូវបានគេចុះផ្សាយ។ ជាលទ្ធផលភាគហ៊ុនរបស់ YG បានធ្លាក់ចុះជាង ៧ទៅ៩ ភាគរយ។ កិច្ចសន្យារបស់ BLACKPINK ជាមួយ YG ផុតកំណត់នៅថ្ងៃទី០៨ខែសីហា ឆ្នាំ ២០២៣ ហើយស្លាកសញ្ញានេះមិនទាន់ចេញមកបញ្ជាក់ពីការបន្តកុងត្រាសម្រាប់សមាជិកទាំងបួននោះទេ៕