ជីវិតកម្សាន្ដ

ម៉ា ដូណា ប្រកាសទារលុយតារាកំប្លែងស្រីល្បីឈ្មោះពីររូប ផ្អើលហ្វេសប៊ុក

បានផុស

២ years មុន

នៅ

ថ្ងៃសុក្រ ២២ កញ្ញា ២០២៣

ដោយ

អស់ការអត់ធ្មត់ តារាសម្តែង និងកំប្លែង ម៉ា ដូណា នៅរសៀលថ្ងៃទី ២២ ខែកញ្ញានេះ បានប្រកាសយ៉ាងក្តៅគគុកទារលុយតារាកំប្លែងស្រី ២ រូប ដែលជំពាក់ក្នុងម្នាក់ៗ ខ្ទង់រាប់ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងស្រី ២ រូប ដែលត្រូវបានមិត្តរួមអាជីពលោក ម៉ា ដូណា ទម្លាយរឿងជំពាក់បំណុលរួមមាន តារាកំប្លែង ខ្ញុង និងអតីតតារាកំប្លែង ក្អយ។ យោងតាមខ្លឹមសារតារាកំប្លែង ម៉ា ដូណា បង្ហោះនៅលើហ្វេសប៊ុក មុននេះ បានលើកឡើងថា «នាងខ្ញុង នាងឯងឃើញអញស្រួល មិនខ្វល់លុយអញ អញស្រួលណាស់ តែកុំឲ្យអញខឹងដល់ក អញសម្រួល ២ ឆ្នាំជាងហើយ ១ ខែ សុំអញបង់ ៥០០ ដុល្លារ អញយល់ ព្រមទាំងប្តីសុំសម្រួល តែបង់បាន ៣/៤ ខែ ក៏លែងបង់ ឥឡូវចង់យ៉ាងម៉េចមីថោកទាប មីក្រឡេចក្រឡុច ពីមុនអញឃើញនាងឯងចង់ងាប់ អញខំអាណិត និងសម្រួលអារម្មណ៍»។

ម៉ា ដូណា បន្តថា «ឥឡូវបើនាងឯងចង់បង្ហោះថាចង់ងាប់ទៀត លុយ ៤៥០០ ដុល្លារ នៅកន្ទុយប៉ុន្មាន អញចូលបុណ្យ សល់ ៤ ម៉ឺនដុល្លារ ឲ្យនាងឯងចុះនរក កុំឲ្យអញប្តឹងចូលគុក អញប្រាប់ឲ្យហើយ កុំភ្លេចថាមានស្នាមផ្តិតមេដៃ លើកក្រោយអញឃើញនាងឯងកន្លែងណា អញលែងទុកមុខ បាញ់លុយឲ្យអញមុនមានរឿងធំ»។

ម៉ា ដូណា បញ្ជាក់ទៀតថា «នៅមីអ្នកកំប្លែង ក្អយ ទៀត លុយ ៤ ម៉ឺនដុល្លារជាងដូចគ្នា កុំឃើញអញស្ងាត់ តិចថាអញភ្លេច តែអញកំពុងរៀបចំឯកសារដើម្បីដីកាចាប់ងែងដូចគ្នា អញមិនបង្ហោះរូបងែងទេ កុំភ័យ សំណុំដីកាចុះចាប់ពេលណាមិនចូលខ្លួនដោះស្រាយ អញមានរូបបង្ហោះងែងហើយ»។ យ៉ាងណា មិនទាន់មានប្រតិកម្មឆ្លើយពីសំណាក់តារាកំប្លែងទាំង ២ រូបខាងលើ ជុំវិញការទម្លាយរបស់ លោក ម៉ា ដូណា នៅឡើយទេ៕

អត្ថបទ ៖ ចាន់រ៉ា