ជីវិតកម្សាន្ដ

ខ្ញុង ឆ្លើយតប ម៉ា ដូណា រឿងប្រកាសទារលុយប្រើពាក្យសម្ដីគ្រោតគ្រាត

បានផុស

៣ years មុន

នៅ

ថ្ងៃសុក្រ ២២ កញ្ញា ២០២៣

ដោយ

បន្ទាប់ពីតារាកំប្លែង ម៉ា ដូណា បង្ហោះសារទារលុយជាសាធារណៈនៅលើបណ្ដាញសង្គម បានប្រមាណកន្លះម៉ោង ស្រាប់តែតារាកំប្លែងអ្នកនាង ស្រេង សុកាន់ដា ហៅ ខ្ញុង ចេញមុខឆ្លើយតបភ្លាមៗ ដោយបង្ហាញហេតុផល និងការអន់ចិត្តចំពោះការប្រើពាក្យសម្ដីយ៉ាងគ្រោតគ្រាតរបស់ ម៉ា ដូណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ខ្ញុង បានបញ្ជាក់ទៅកាន់លោក ម៉ា ដូណា ថា «ខ្ញុំមិនតបតទេ ព្រោះខ្ញុំមិនបានបោកប្រាស់អ្នកណាដូចការជេរប្រមាថមើលងាយរបស់អ្នកឡើយ ការជេរប្រមាថខ្ញុំទាំងប៉ុន្មានទូលខ្លួនឯងចុះ ខ្ញុំជំពាក់ ខ្ញុំប្រឹងរកសងតាមលទ្ធភាព សូម្បីតែគ្រែដេកក៏ខ្ញុំកាត់សងដែរ ហៅខ្ញុំទៅលេងកម្មវិធី ក៏ខ្ញុំទៅកាត់សងដែរ»។

អ្នកនាង ខ្ញុង បាននិយាយទៀតថា «កន្លែងណាដែលថា ខ្ញុំបោកប្រាស់ រកបានតិចតួចខ្ញុំដាក់ទៅរហូត ពេលខ្ញុំរកមិនបានខានដាក់ទៅក៏បង្ហោះជេរប្រមាថមើលងាយខ្ញុំទាំងប្ដីទាំងប្រពន្ធ ទោះតតាំងមុខច្បាប់ក៏ខ្ញុំលែងខ្លាចដែរ ព្រោះខ្ញុំនៅរស់ជ្រងោដើម្បីរកសង តែអ្នកឯងជេរប្រមាថបរិហារកេរ្តិ៍ខ្ញុំជាសាធារណៈ នេះយ៉ាងម៉េចវិញ ប្រមាថទាំងអាយុជីវិតដល់គ្រួសារខ្ញុំទៀត»។

សូមបញ្ជាក់ថា តារាសម្តែង និងកំប្លែង ម៉ា ដូណា នៅរសៀលថ្ងៃទី ២២ ខែកញ្ញានេះ បានប្រកាសយ៉ាងក្តៅគគុកទារលុយតារាកំប្លែងស្រី ២ រូប ដែលជំពាក់ក្នុងម្នាក់ៗ ខ្ទង់រាប់ម៉ឺនដុល្លារ។ ក្នុងចំណោម ២ នាក់ លោក ម៉ា ដូណា បានបញ្ជាក់ថា ខ្ញុង ជំពាក់លុយជាងម៉ឺនដុល្លារ មានរយៈពេលជាង ២ ឆ្នាំហើយ៕

អត្ថបទ ៖ ចាន់រ៉ា