ជីវិតកម្សាន្ដ

ចូលរួមរំលែកទុក្ខ ! តារាសម្តែង ច័ន្ទ តារាទី ជួបទុក្ខធំក្នុងគ្រួសារ

បានផុស

៣ years មុន

នៅ

ថ្ងៃព្រហស្បតិ៍ ១៩ តុលា ២០២៣

ដោយ

តារាសម្តែងភាពយន្តជើងចាស់ដ៏ល្បីឈ្មោះ មានភាពលេចធ្លោលើវិថីសិល្បៈទសវត្សរ៍ឆ្នាំ ៨០ និង ៩០ រួមជំនាន់ជាមួយលោក ទេព រិន្ទដារ៉ូ គឺ អ្នកនាង ច័ន្ទ តារាទី និងក្រុមគ្រួសារ ពេលនេះកំពុងមានទុក្ខជាទម្ងន់ ខណៈប្អូនប្រុសបង្កើតបានទទួលមរណភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងមរណទុក្ខដ៏ក្រៀមក្រំ និងសោកសៅនេះ ត្រូវបានតារាសម្តែងអ្នកនាង ច័ន្ទ តារាទី បញ្ជាក់ឲ្យដឹងនៅព្រឹកថ្ងៃទី ១៩ ខែតុលា ឆ្នាំ ២០២៣ ដោយភាពសោកសៅថា «នាងខ្ញុំ មានទុក្ខជាទម្ងន់ ព្រោះបានបាត់បង់ប្អូនប្រុសពៅនាព្រឹកនេះ វេលាម៉ោង ៩ និង ១០ នាទី ថ្ងៃទី ១៩ ខែតុលា ឆ្នាំ ២០២៣»។

តារាសម្តែងជើងចាស់រូបនេះ បញ្ជាក់ទៀតថា «សូមឲ្យវិញ្ញាណក្ខន្ធប្អូនប្រុសពៅ បានទៅកាន់សុគតិភព ហើយបើមានជាតិក្រោយ សូមឲ្យបានជួបជាបងប្អូននឹងគ្នាម្តងទៀត»។ ទោះយ៉ាងណា អ្នកនាង ច័ន្ទ តារាទី មិនបានបញ្ជាក់ទេថា ប្អូនប្រុសពៅរបស់គាត់ស្លាប់ដោយសារជំងឺអ្វី។

តាមរយៈដំណឹង នៃមរណភាពប្អូនប្រុសពៅបង្កើតរបស់តារាសម្តែងអ្នកនាង ច័ន្ទ តារាទី ខាងលើនេះ គេឃើញមានអ្នកគាំទ្រ ព្រមទាំងសិល្បករសិល្បការិនីជាច្រើន បានសម្តែងការចូលរួមសោកស្ដាយ និងផ្ញើសារចូលរួមរំលែកមរណទុក្ខដ៏សោកសៅជាមួយគ្រួសារសពផងដែរ៕

អត្ថបទ ៖ ចាន់រ៉ា