ជីវិតកម្សាន្ដ

សោម ស្រីនាថ លើកទឹកចិត្តកុំខ្លាចការបរាជ័យ

បានផុស

៣ years មុន

នៅ

ថ្ងៃពុធ ១៥ វិច្ឆិកា ២០២៣

ដោយ

ពិធីការិនី និងជាតារាសម្តែងកញ្ញា សោម ស្រីនាថ ឃើញថាបច្ចុប្បន្ននេះការប្រកបអាជីពជាសិល្បៈរបស់នាងហាក់មានទីផ្សារច្រើនគួរឲ្យកត់សម្គាល់។ ម្យ៉ាងទៀតស្រីនាថ ក៏ត្រូវបានអ្នកចាត់ទុកថានាងជាតារាស្រីដែលរក្សាបានប្រជាប្រិយភាពមិនចាញ់មិត្ត ភក្តិរួមអាជីពឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងអាជីពជាសិល្បៈកាន់តែមានសន្ទុះទីផ្សារ ស្រីស្អាត សោម ស្រីនាថ ស្រាប់តែបានពន្លយពាក្យ ២ប្រយោគក្នុងន័យបំផុតគំនិតដល់ខ្លួនឯង និងអ្នកគាំទ្រកុំឲ្យមានការបាក់ចិត្តចំពោះការបរាជ័យលើអ្វីមួយ។ នាងថា ភាពបរាជ័យគ្មានអ្វីគួរឲ្យខ្លាចទេ ហើយបរាជ័យអាចជាប្រទីបនាំយើងឆ្ពោះទៅរកភាពជោគជ័យ។

ទំនងធ្លាប់ឆ្លងកាត់បទពិសោធន៍នៃជីវិតលំបាកកញ្ញា សោម ស្រីនាថ បានបញ្ជាក់ឲ្យដឹងថា “កុំខ្លាចការបរាជ័យ ព្រោះបរាជ័យធ្វើឲ្យយើងរឹងមាំមានបទពិសោធន៍ឆ្ពោះទៅកាន់ភាពជោគជ័យក្នុងថ្ងៃណាមួយ”។ នាងនិយាយបន្ថែមថា “កុំខឹង អន់ចិត្ត និងគេមើលងាយ ព្រោះការមើលងាយរបស់គេ គឺជាកម្លាំងចិត្តដ៏ធំធេង ឲ្យយើងខិតខំប្រឹងប្រែងព្យាយាមបន្តទៅមុខ”។

តាមរយៈខ្លឹមសារ របស់តារាស្រី សោម ស្រីនាថ ខាងលើសបញ្ជាក់ថា នេះអាចជាគន្លឹះសម្រាប់ការលើកទឹកចិត្តខ្លួនឯង ឬបុគ្គលឯទៀតដែលកំពុងតែជួបប្រឈមបញ្ហានេះដើម្បីឈរលើភាពរឹងមាំជឿជាក់ខ្លួនឯង។

គូរបញ្ជាក់ថា កញ្ញា សោម ស្រីនាថ គឺជាក្មេងកំព្រាដែលបានបាត់បងម្ដាយជាទីស្រលាញ់របស់នាងដោយគ្មានថ្ងៃវិលត្រឡប់កាលពីឆ្នាំ២០១៧។ មហាជនបានសរសើរដល់ស្រីនាថ ដែលមានភាពរឹងមាំដែលពេលនេះនាងជាជំហរក្នុងគ្រួសារយ៉ាងពិតប្រាកដទោះបីជាតារាស្រីរូបនេះបានបាត់បង់ម្ដាយ ព្រោះតែជំងឺដ៏កាចសាហាវក្តី៕

អត្ថបទ៖ ចាន់រ៉ា