អ្នកលេងអ៊ីនធឺរណិតកូរ៉េអស់ទំនុកចិត្តលើ YG រឿងបន្តកុងត្រាជាមួយ BLACKPINK

ដោយសារការប្រកាសដដែលៗជាច្រើនដងរបស់ផលិតកម្ម YG Entertainment រឿងពិភាក្សាបន្តកុងត្រាជាមួយ BLACKPINK នៅតែមិនឃើញមានលទ្ធផល ទើបថ្មីៗនេះអ្នកលេងអ៊ីនធឺរណិតនៅកូរ៉េខាងត្បូងនាំគ្នាប្រតិកម្មដោយបង្ហាញពីការអស់ទំនុកចិត្តរបស់ពួកគេលើផលិតកម្មមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១៤ ខែវិច្ឆិកា ផលិតកម្ម YG Entertainment បានបញ្ជាក់ថា ពួកគេកំពុងបន្តការចចារសម្រាប់ការបន្តកុងត្រាជាមួយ BLACKPINK ខណៈលទ្ធផលនឹងប្រកាសក្នុងពេលឆាប់ៗខាងមុខ។

បន្ទាប់ពីមានព័ត៌មាននេះផ្សព្វផ្សាយចេញ អ្នកនិយមលេងអ៊ីនធឺរណិតរបស់កូរ៉េ នាំលើកឡើងអំពីការបរាជ័យរបស់ YG ក្នុងការបន្តកុងត្រាថ្មីជាមួយសមាជិកក្រុម BLACKPINK ហើយថាសេចក្ដីថ្លែងការណ៍របស់ផលិតកម្ម គ្រាន់តែជាលេសទាក់ទាញម្ចាស់ភាគហ៊ុនប៉ុណ្ណោះ។

ការលើកឡើងរបស់អ្នកនិយមលេងអ៊ីនធឺរណិតនិយាយថា ផលិតកម្ម YG ​ប្រកាសពីការចចារកុងត្រាជាមួយ BLACKPINLK ដើម្បីរក្សាតម្លៃភាគហ៊ុនរហូត​ដល់ក្រុម​ Baby Monster បង្ហាញ​ខ្លួន​ជា​លើក​ដំបូង ពីព្រោះក្រុមហ៊ុនមិនចង់ឱ្យតម្លៃភាគហ៊ុនធ្លាក់ចុះ មុនពេលការបង្ហាញដំបូងរបស់ Baby Monster ឡើយ។  

បើតាមពាក្យចចាមអារ៉ាមកន្លងមក ក្រុម BLACKPINK នឹងមិនបន្តកុងត្រាថ្មីឡើយ លើកលែងតែ Rose ប៉ុណ្ណោះ ដែលជាសមាជិកតែម្នាក់គត់នៅបន្តកុងត្រាថ្មីជាមួយ YG ខណៈសមាជិកបីនាក់ទៀតរួមមាន Jisoo, Jennie និង Lisa បានសម្រេចចិត្តមិនបន្តកុងត្រាជាយូរមកហើយ៕

ប្រែសម្រួល៖ សន្យា

ប្រភព៖ Allkpop

ចុចអាន៖ ទិញវីឡាប្រណីតមួយ Jennie ហ៊ានចាយលុយសុទ្ធរហូតដល់ជិត ៤លានដុល្លារ