មូលហេតុនៃការស្លាប់របស់ Andre Brauer ទីបំផុតដឹងការពិត

ប្រព័ន្ធផ្សព្វផ្សាយល្បីៗ បង្ហាញពីមូលហេតុនៃការស្លាប់ Andre Brauer តារាសម្តែងនៃរឿងភាគទូរទស្សន៍ដ៏ល្បីល្បាញ Brooklyn Nine-Nine ថា តាមពិតលោកមានជំងឺមហារីកសួតនិងឈប់​ជក់បារី​យូរ​មក​ហើយ។

កាលពីថ្ងៃទី ១៥ ខែធ្នូ ទីភ្នាក់ងារសារព័ត៌មាន BBC បានរាយការណ៍ពីមូលហេតុនៃការស្លាប់របស់លោក Andre Braugher តារាសម្តែងជនជាតិអាមេរិក ‘Captain Raymond Holt’ ពីរឿងភាគស៊ើបអង្កេតដ៏ល្បីល្បាញ Brooklyn Nine-Nine និងជាតារាសម្តែងដ៏ប៉ិនប្រសប់ម្នាក់ដែលបានឈ្នះពានរង្វាន់តារាសម្តែងឆ្នើមពី Emmy Award ពីរដង។

ទីភ្នាក់ងារសារព័ត៌មានអង់គ្លេស បានបញ្ជាក់ថា លោក Andre Brauer បានស្លាប់ដោយសារជំងឺមហារីកសួត។ បន្ទាប់ពីគ្រូពេទ្យធ្វើរោគវិនិច្ឆ័យជំងឺ ប៉ុន្មានខែមុននេះ។ មុន​ពេល​លោក​ទទួល​មរណភាព​នៅ​ថ្ងៃ​ច័ន្ទ ទី​១១ ខែ​ធ្នូ ក្នុង​ជន្មាយុ​៦១​ឆ្នាំ។

Andre Brauer ធ្លាប់បានប្រាប់ទស្សនាវដ្តី New York Times ក្នុងឆ្នាំ ២០១៤ ថា គាត់បានឈប់ជក់បារី និងផឹកស្រាអស់រយៈពេលជាច្រើនឆ្នាំ។

លោក Andre Braugher ជាតារាសម្តែងហូលីវូដ សញ្ជាតិអាមេរិក Brauer កើតនៅថ្ងៃទី ០១ ខែកក្កដាឆ្នាំ ១៩៦២ នៅទីក្រុង Chicago រដ្ឋ Illinois សហរដ្ឋអាមេរិក គាត់ជាកូនប្រុសរបស់ Floyd និង Sally Braugher និងមានបងប្អូនបីនាក់។

ពេញមួយរយៈពេលនៃការងារនៅក្នុងឧស្សាហកម្មកម្សាន្ត គាត់​បាន​បន្សល់​ទុក​នូវ​ការ​កត់​សម្គាល់​របស់​គាត់​នៅ​ក្នុង​បេះដូង​អ្នក​គាំទ្រ​ជា​ច្រើន ហើយ​អ្វី​ដែល​មិន​អាច​និយាយ​បាន​នោះ​គឺ​តួនាទី​ ‘Captain Raymond Holt’ ពីស៊េរីដ៏ល្បីល្បាញ Brooklyn Nine-Nine ជាមួយនឹងទេពកោសល្យជាច្រើន Brauer ត្រូវបានគេស្គាល់ទូទាំងពិភពលោក។ ដែលការសម្តែងរបស់គាត់បានបង្ហាញឲ្យឃើញពីការតែងតាំងសម្រាប់ពានរង្វាន់ Emmy ចំនួនបួន។ គាត់​អាច​ឈ្នះ​ពាន​តារា​សម្ដែង​ល្អ​បំផុត​សរុប​ពីរ​ដង​ពី​ដំណាក់​កាល​នេះ៕

ប្រែសម្រួល៖ សាង ស្រីល័ក្ខ

ប្រភព៖Thaiger

ចុចអាន៖ម្ចាស់ភាគហ៊ុនធំ Miss Grand លើកនេះ មានទាំង Engfa និង Charlotte