ម្ចាស់ភាគហ៊ុនធំ Miss Grand លើកនេះ មានទាំង Engfa និង Charlotte

Engfa Waraha ចាប់ដៃជាមួយ Charlotte Austin ក្លាយជាអ្នកកាន់កាប់ភាគហ៊ុនក្នុងកម្មវិធី Miss Grand ហើយក៏ជារាជិនីសម្រស់ទាំងពីររូបដំបូងគេរបស់ប្រទេសថៃ ស្ថិតនៅក្នុង TOP10 ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីក្រុមហ៊ុន Miss Grand International Public Company Limited ឬ MGI បានបើកដំណើរការ IPO ថ្មី​ នឹងត្រូវជួញដូរនៅផ្សារហ៊ុន កាលពីថ្ងៃទី១៤ ខែធ្នូ ឆ្នាំ២០២៣ ជាលើកដំបូងជាមួយនឹងតម្លៃភាគហ៊ុន IPO ដែលមានតម្លៃ ៤.៩៥បាតក្នុងមួយហ៊ុន។

នៅពេលបើកឈ្មោះម្ចាស់ភាគហ៊ុន Miss Grand គេបានរកឃើញថា រាជិនីសមម្រស់ធ្លាបើ់ដើរលើឆាកពីររូបគឺលំដាប់រងទីមួយក្នុងកម្មវិធី Miss Grand International 2022 គឺ Engfa Waraha និង Charlotte Austin លំដាប់រងទី៥ ក្នុងកម្មវិធី Miss Grand Thailand 2022 ​ដោយឈ្មោះ​របស់​អ្នកទាំងពីរលេច​ចេញ​ជា​ម្ចាស់​ហ៊ុន​យ៉ាងភ្ញាក់ផ្អើល។

របាយការណ៍ដដែឡនោះបានបញ្ចាក់ទៀតថា Engfa កាន់កាប់ភាគហ៊ុនចំនួន ២,០០០,០០០ ភាគហ៊ុន ស្មើនឹង ០.៩៥ភាគរយ ចំណាត់ថ្នាក់ទី ៩ ខណៈដែល Charlotte Austin កាន់កាប់ភាគហ៊ុនចំនួន ២,០០០,០០០ ភាគហ៊ុន ស្មើនឹង ០.៩៥ភាគរយ ចំណាត់ថ្នាក់ទី ៦ ។

ចំណែកឯលោក Nawat Isara Kraisil ដែលជាស្ថាបនិកក្រុមហ៊ុន MGI បានកាន់កាប់ភាគហ៊ុនចំនួន ៩០,០០០,០០០ ស្មើនឹង ៤២.៨៦ភាគរយ នាំមុខគេជាប់ចំណាត់ថ្នាក់លេខ១

យ៉ាងណាមិញ ដំណឹងក្ដៅៗនេះបានធ្វើឲ្យនកគាំទ្រជាច្រើនមានការអបអរសាទរយ៉ាងខ្លាំងដល់អ្នកទាំងពីរដែលបានរួមចំណែកភាគហ៊ុនកម្មវិធី Miss Grand ។ក្នុងនោះទស្សនិកជនក៏សង្ឃឹមថានឹងលេចវត្តមានពួកគេជាគណៈកម្មការដ៏ធមលើឆាកអន្តរជាតិថែមទៀតផង៕

ប្រែសម្រួល៖ សាង ស្រីល័ក្ខ

ប្រភព៖thethaiger

ចុចអាន៖មិត្តជិតស្និទ្ធទម្លាយមូលហេតុ​ដែល Cheer និងមិត្តប្រុសបែកគ្នា មិនមែនជនទី ៣